Abelardo Rodriges
Abelardo Rodriges Luxan (isp. Abelardo Rodríguez Luján, İspanca tələffüz: [aβeˈlaɾðo ˈele roˈðɾiɣes]; 12 may 1889, Eroyka-Quaymas[d] – 13 fevral 1967, La-Hoyya[d], Kaliforniya) — Meksika dövlət xadimi, 1932–1934-cü illərdə Meksika Prezidenti. O, Paskual Ortis Rubionun istefasından sonra vəzifəyə başlamışdır.
== Həyatı ==
Sonora ştatının San-Xose-de-Quaymas şəhərində kasıb bir ailədə anadan olmuşdur. O, həyatının ilk illərində dəmir məmulatları mağazasında, mis mədənlərində və peşəkar beysbolçu kimi çalışmışdır. Təhsilini başa vurmadan 1913-cü ildə Meksika inqilabında iştirak etmiş və hərbi karyera qurmuşdur. 1916-cı ildə polkovnik olmuş və 1921-ci ildə Aşağı Kaliforniyanın hərbi komandiri təyin edilmişdir.1923-cü ildə Aşağı Kaliforniyanın qubernatoru olmuş, 1929-cu ilə qədər bu vəzifəni tutmuş və hərbi komendant olaraq qalmışdır. Bundan bir il sonra o, Aşağı Kaliforniya ştatının qubernatoru, daha sonra 1932-ci ildə prezident Paskual Ortis Rubionun ofisində hərbi şöbənin rəhbəri vəzifəsində çalışmışdır.
Ortisin istefasından sonra Rodriges 4 sentyabr 1932-ci ildə prezident postunu tutmuşdur. Bu vəzifədə o, bir neçə maliyyə institutunun yaradılmasına, xalq təhsilinin bərpasına, özəl xeyriyyəçilik və inhisarların fəaliyyəti ilə bağlı qanunların həyata keçirilməsinə töhfə vermişdir.