Aloiza Paşkeviç
Aloiza Paşkeviç (tam adı: Aloiza Paşkeviç, belar. Алаіза Сцяпанаўна Пашкевіч; 3 (15) iyul 1876 və ya 1876, Stary Dvor[d], Vilen quberniyası[d] – 5 (18) fevral 1916 və ya 1916, Lida, Vilen quberniyası[d]) — Belarus şairəsi və Belarusun milli-demokratik dirçəlişinin siyasi fəalı.
== Həyat və fəaliyyəti ==
Aloiza Paşkeviç zəngin və əsil-nəcabətli ailədə anadan olmuşdur. Vilnüs Özəl Məktəbinin məzunudur. Sankt-Peterburqa köçdükdən sonra 1902-ci ildə Aleksandria Qızlar Gimnaziyasını bitirmiş və 1902–1904-cü illərdə fiziki tərbiyə müəllimliyi ixtisasından məzun olmuşdur.
Paşkeviç Belarus Sosialist Məclisinin yaradıcılarından biridir. 1904-cü ildə o, müəllimliyi buraxır və Vilnüsə qayıdır. O, işçi qruplarını təşkil edir, hökumət əleyhinə müraciətlər yazır və təbliğ edir, müzakirələrdə və siyasi görüşlərdə iştirak edirdi. Siyasi fəallığına görə o zamanlar Avstriya-Macarıstan İmperiyasının tərkibinə daxil olan Qalisiyaya immiqrasiya etməyə məcbur edilir. Lvivdə yaşayır.