Buş andraxnası
== Ümumi yayılması ==
Qafqaz.
== Azərbaycanda yayılması ==
Naxçıvan Muxtar Respublikasının (Culfa) dağlarında rast gəlinir.
== Statusu ==
Azərbaycanın nadir bitki növüdür. VU D2.
== Bitdiyi yer ==
Əsasən quru, daşlı-qayalı yamaclarda təbii halda bitir.
== Təbii ehtiyatı ==
Azərbaycanda çox deyildir.
== Bioloji xüsusiyyətləri ==
Oduncaqlaşmış gövdələrinin diametri 5 sm-ə dək çatan yarımkoldur. Gövdələri möhkəm, budaqlı, göyümtül, hündürlüyü 15-45 sm-dir. Yalançı zoğları ağ örtüklü, üçkünc-yumurtavarı, ucu biz, kənarları qeyri-bərabər dişlidir.Yarpaqları qısa saplaqlarda, qalıntəhər, göyümtül, çılpaq, enli-ellipsvarı və ya enli-yumurtavarı, uzunluğu 7 mm-ədək və eni 5 mm-dəkdir. Çiçəkləri yarpaqların qoltuqlarında tək və ya cüt, nazik çiçək saplaqlarında yerləşir.