Antia sözü azərbaycan dilində

Antiaritmik dərmanlar – ürək fəaliyyəti ritminin pozğunluqlarını aradan qaldırmaq və onun qarşısını almaq üçün istifadə olunan dərman preparatları. == Ümumi məlumat == Onların təsiri ürək hüceyrəsi membranının ion cərəyanı keçiriciliyinin dəyişməsinə əsaslanmışdır. Antiaritmik dərmanlar sinus-qulaqcıqda, qulaqcıq-mədəcik düyünlərində və ürəyin keçiricilik sistemində olan xüsusi hüceyrələrin fəaliyyət potensialının müxtəlif mərhələlərinə təsir göstərir. Təsir mexanizminə görə antiaritmik dərmanlar 4 sinfə bölünür: I sinif – membransabitləşdirici dərmanlar və ya natrium kanalı blokatorları; təsir xüsusiyyətinə görə: I A sinfi – xinidin, novokainamid, dizopiramid, aymalin; I B sinfi – lidokain, meksiletin, difenin; I C sinfi – propafenon, etmozin, etasizin, allapinin; II sinif – β adreno blokatorlar; III sinif – kalium kanalı repolyarizasiyasını ləngidən blokatorlar – amiodaron, sotalol; IV sinif yavaş kalsium kanalı ritmyavaşıdıcı blokatorları-verapamil, diltiazem. Göstərişlər: ürək ritminin proqnostik mənfi pozğunluqları (xroniki ürək çatışmazlığı fonunda politop mədəcik ekstrasistoliyası və ya miokard infarktının kəskin dövrü). Antiritmik dərmanlar bəzi növ ürək çatışmazlığı, qulaqcıq-mədəcik keçiriciliyinin 1-ci dərəcədən yuxarı və mədəcik daxili keçiriciliyin pozğunluqları zamanı əks-göstərişdir.

Antiarchi (lat. Antiarchi) — heyvanlar aləminin xordalılar tipinin zirehli balıqlar sinfinə aid heyvan dəstəsi. == Ümumi məlumat == 200-ədək növü olmuşdur. Bütün qitələrin Üst Silur və Üst Devon çöküntülərindən məlumdur. Uzunluğu 1m, kəlləsi gövdə zirehi ilə birləşmiş halda idi. Sümük lövhəciklərlə örtülmüş döş üzgəcləri zirehə mürəkkəb oynaqla birləşmişdir. Gözləri başın yuxarı tərəfində yerləşirdi: çənələri bir cüt yuxarı və aşağı çənə lövhələrindən ibarət idi. Antiarxlar müxtəlif dərəcədə şorlaşmış suların dibində yaşayırlarmış. Üst Devonun kontinental çöküntülərini öyrənmək üçün əhəmiyyətli qazıntıdır.

Antiatlantizm və ya Qərb əleyhdarlığı – Qərb mədəniyyəti və Qərb dünyası ilə əlaqəli institutlara qarşı olan mənfi münasibətdir. == Tərif və istifadə == Antiimperializm bir çox hallarda Antiatlantizmin hərəkətverici qüvvəsidir. Üstəlik, Qərb ölkələrində, xüsusən də Hollandiya, Almaniya və Böyük Britaniyada da Antiatlantizm mövcuddur. İslam dünyasında isə Amerika Birləşmiş Ştatlarına qarşı Antiatlantizm münasibətinin olduğunu qeyd etmək mümkündür. ABŞ-yə nifrət onun İsrailə dəstəyindən, İraqı işğal etməsindən və İrana qarşı sanksiyalarından irəli gəlir. Soyuq müharibədən sonra Samuel P.Hantinqton mədəni münaqişələrin iqtisadi-siyasi (liberalizm-kommunizm) münaqişələri əvəz edəcəyini iddia etmişdir. Hantinqton İslam dünyasının tədricən radikallaşacağını və eyni zamanda da qərbliləşməni rədd edəcəyini düşünür.