Atlantium
Atlantium və ya Atlantium İmperiyası — Avstraliyada, Sidney şəhərində Corc Krukşenk adlı radio aparıcısının evinin ərazisində qurduğu dövlət
Kral II Corc ləqəbi götürən radio aparıcısı yeni "dövləti" "Atlantium" adlandırmışdır. Artıq öz "dövlətinin" valyutasını da çap etdirən Kral II Corc bu fikrə hələ 1981-ci ildə düşdüyünü deyir. "Lakin bu ideyanı indi gerçəkləşdirdim"- deyə o, bildirir. Anası ona 15 yaşında deyib ki, dünyanın gedişatını bəyənməsən, öz dövlətini qur: "Öncə siyasi partiya yaratmağı düşündüm. Ancaq sonra bu fikrimdən vaz keçərək, iki bacım oğlu ilə dövlətimi qurdum".
"Atlantium"u heç bir dövlət tanımasa da, onun 110 ölkədə 1300 vətəndaşı var. "Atlantium"un mavi, sarı və narıncı rənglərdən ibarət öz bayrağı da var.
Sərhədsiz ölkələrin bəşəriyyətin gələcəyində önəmli rol oynayacağına inandığını bildirən Kral II Corc 2011-ci ildə tac qoyma mərasimi keçirəcəyini bildirir.
