Barmaqotu
Barmaqotu (lat. Digitaria) — bitkilər aləminin qırtıcçiçəklilər dəstəsinin qırtıckimilər fəsiləsinə aid bitki cinsi.
Lüğəti mənası latın dilində "diqitus" — barmaq deməkdir. Bitkinin yarpaqları barmağa oxşadığından xalq onu "barmaqotu" adlandırıb. Tərkibində 7,31-8,02% proteyin, azotsuz piy -2,53%, 39,41 %-42,98% ekstraktiv maddələr, 11,61-8,80% kül sellülozası vardır. Xalq arasında cavan pöhrə və zoğları qida bitkisi kimi istifadə olunur. Otlaq bitkisi kimi çox əhəmiyyətlidir. Güclü kök sisteminə malik olduğuna görə qumluqların bərkidilməsində istifadə etmək olar. Azərbaycan florasında 5 növü bitir.
