Batyarlıq
Batyarlıq və ya batyar (ukr. батяр, pol. baciar) — XIX əsrin ortalarından XX əsrin ortalarına qədər mövcud olan Lvov subkulturası.
== Tarixi ==
Subkulturanın adı macarca "quldur", "macəraçı" mənasını verən və İran dillərindən gələn "betyár" sözü ilə verilmişdir. XIX əsrdə Lvov Avstriya-Macarıstan imperiyasının bir hissəsi olduğu üçün onun polislərinin bir qismi macar idi və onlar bu termini yerli dialektə öz ana dillərindən gətirmişdilər. Yan Lyamın məlumatına görə, termin "gündən-günə yaşayan, baxımsız, kirli, sərxoş, haqqında yalnız nifrətlə danışılan bir şəxsi" təsvir edirdi. Lvovda batyar müxtəlif təşəbbüslərə və riskli zarafatlara qadir olan cəsarətli adama deyilirdi. Batyarların əksəriyyəti şəhərətrafı qəsəbələrin meyxanalarda və bağlarda toplaşan (xüsusilə Lıçakov və Podzamçe) sakinləri idi.Batyarlar polyak, ukrayn, alman və ivrit sözlərinin qarışığı olan xüsusi jarqondan istifadə edirdilər, bəziləri hələ də Lvovda istifadə olunur. 1933-cü ildə Lvovda aparıcılar Tonko və Şçepço ilə birlikdə "Şən Lvov Dalğası" radio proqramı çıxdı, bunun sayəsində Polşanın digər vilayətlərində batyar subkulturasını daha da tanınmışdır. Batyarlıq əsasən polyaklar arasında geniş yayılmışdı, bunu Lvov Polşa batyar folkloru sübut edir.
Mixail Batyanov
Mixail İvanoviç Batyanov (rus. Михаил Иванович Батьянов; 17 oktyabr 1835 – 5 dekabr 1916, Petroqrad) – Rusiya İmperator Ordusunun generalı. Rus-yapon müharibəsində Üçüncü Mancuriya Ordusunun komandanı olmuşdur.
== Həyatı ==
Mixail Batyanov 1852-ci ildə Donanma Kollecini bitirmiş və Qara Dəniz Donanmasında xidmət göstərmişdir. Krım müharibəsi (1853–1856) zamanı Sevastopolun müdafiəsində iştirak etmişdir. Daha sonra Rusiya İmperator Ordusuna transfer olmuş, Finlandiya və Jitomir alaylarında xidmət göstərmişdir. 1867-ci ildə Qafqaz müharibəsində iştirak etmiş, polkovnik rütbəsinə yüksələrək Kabardin alayının komandanı təyin olunmuşdur. Batyanov pulemyot kimi silahların və yeni taktikaların orduda istifadə olunmasında iştirak etmişdir.Batyanov 1905-ci ilin mayında general Aleksandr fon Bilderlinqi əvəz edərək Üçüncü Mancuriya Ordusunun komandanı təyin olunmuşdur. Mukden döyüşündən sonra Şiheyqay yaxınlığında yeni müdafiə xəttinin təşkil olunmasında iştirak etmişdir. 1911-ci ildə təqaüdə çıxmışdır.
