Bhavnaqar
Bhavnaqar — Hindistanın qərbində, Qucarat ştatında şəhər.
== Əhalisi ==
Əhalisi 566 min (2006) nəfərdir.
== Coğrafiyası ==
Kathiyavar yarımadasının cənub-şərqində, Ərəbistan dənizinin Kambey körfəzi sahilində port (aztonnajlı gəmilər üçün). Bhavnaqarın 10 km-liyində iritonnajlı gəmilər üçün yeni liman (yük dövriyyəsi ildə 1,8 milyon t) inşa edilmişdir.
== Tarixi ==
Şəhər 1723-cü ildə salınmışdır. 1947-ci ilədək Bhavnaqar knyazlığının paytaxtı olmuşdur.
== Memarlığı ==
Dəniz Kimyəvi Maddələri və Duzları Mərkəzi Elmi Tədqiqat İnstitutu (1951; 1954-cü ildən Bhavnaqardadır), universitett (1979), Samaldas kolleci (M.K. Qandi bu kollecdə oxumuşdur), Barton kitabxanası (1895), M.K. Qandi memorialı (“Qandi Smriti”; 1955; nəzdində kitabxana və muzey) var.
== Sənayesi ==
Kənd təsərrüfatı rayonunun ticarət mərkəzidir (əsasən, pambıq). Toxuculuq (pambıq parça, ipək), yeyinti, kimya (o cümlədən mineral gübrələr) sənayesi, maşınqayırma müəssisələri fəaliyyət göstərir. Gəmi təmiri; sahildə duz çıxarılır.