Voytsex Boquslavski
Voytsex Boquslavski (pol. Wojciech Romuald Bogusławski; 9 aprel 1757[…] – 23 iyul 1829[…], Varşava, Polşa çarlığı) — polyak rejissoru, aktyor, müğənni, dramaturq, teatr xadimi. Polşa peşəkar musiqili və dram teatrının yaradıcısı. Polşada teatrın banisi kimi tanınır.
== Həyatı ==
1762–1770-ci illərdə Varşavada monastır məktəbində oxumuşdur; hərbi xidmət də olarkən həvəskar tamaşalarda çıxış etmişdir. 1778-ci ildə F. Monbrenin peşəkar truppasına daxil olmuş, milli operanın yaradılması üzrə ilk təcrübələrdə iştirak etmişdir. 1783–1785, 1790–1794 və 1799–1814 illərdə Milli aktyorlar truppasının direktoru olmuş, 1827-ci ilədək orada aktyor kimi də işləmişdir. Vilnoda səyyar truppa təşkil etmişdir. 1795-ci ildə Lvovda teatr yaratmış, 1799-cu ilədək ona rəhbərlik etmişdir. Müəllifi olduğu komediyaları və özünün tərcümə etdiyi klassik dünya dramaturgiyasının ən yaxşı nümunələrini tamaşaya qoy muşdur.