Braunson adası
Braunson adası (ing. Brownson Island) — Aleksandr arxipelaqına aid olan, Alyaskanın cənub-şərqində yerləşən ada. Etolin adasının cənub-şərq sahillərində yerləşir, ondan dar Kanoe boğazı ilə ayrılır. Uzunluğu təxminən 11 km, eni isə 1,6 ilə 3,2 km arasındadır. Adanın hündürlüyü dəniz səviyyəsindən təxminən 300 m-ə çatır. Braunson adasının cənubunda bir neçə kiçik adacık vardır. Adanın cənub ucunda yerləşən bir neçə qaya yalnız çəkilmə zamanı görünür.
