Yuri Bulıçev
1982-ci il oktyabrın 12-də anadan olan ukraynalı orta xətt oyunçusu karyerasına Xarkov "Arsenal"ında başlayıb. Ardından şəhərin 1 nömrəli komandası "Metallist"ə keçən Yuri burada iki mövsüm forma geyindikdən sonra Roman Pokoranın rəhbərlik etdiyi "Aleksandriya" ilə müqavilə bağlayıb. 2006-cı ilin sonlarında məşqçisinin dəvəti ilə "Simurq"a gələn Bulıçev Zaqatalada şanssızlıqla üzləşib və ağır zədə alaraq, bir müddət futboldan kənarda qaldığından "Simurq"dan ayrılıb. 2008/2009 mövsümündə isə formasını bərpa edərək "Aleksandriya"ya qayıdıb, oradan isə Ukrayna yüksək liqa təmsilçisi "Krivbass"a transfer olunub. Futbolçu qarşıdakı 1 il ərzində – 2009/2010 mövsümündə yenidən "Simurq"un şərəfini qoruyacaq.
