Cianni De Byazi
Ciovanni "Cianni" De Byazi (16 iyun 1956, Sarmede[d], Veneto, it. Giovanni "Gianni" De Biasi) — İtaliya keçmiş futbolçusu, baş məşqçisi. Futbolçu kimi yarımmüdafiəçi mövqeyində oynamışdır. Onun həm İtaliya, həm də ki Albaniya vətəndaşlığı var. De Byazi Albaniya milli futbol komandasını hansısa bir böyük turnirin, yəni UEFA Avro 2016-nın təsnifat mərhələsindən keçirən ilk baş məşqçi idi.
== Futbolçu karyerası ==
De Byazi İtaliyanın Trevizo əyalətinin Sarmede kommunasında anadan olmuşdur. Yarımmüdafiəçi olan de Byazi peşəkar karyerasına "İnter Milan" FK-da start vermişdi. Onun birinci heyətdə olmasına baxmayaraq, komanda üçün heç vaxt çıxış etməmişdir və 1975-ci ildə Seriya C liqasında oynayan "Recana" FK-a, növbəti il isə Seriya A liqasına təzəcə yüksəlmiş "Peskara Kalsio" FK-a icarəyə verilmişdir. O, 1977-ci ildə "Breşiya" FK-a transfer edilmişdir. De Byazi klubda növbəti beş mövsüm çıxış etmişdir, amma onlardan yalnız birini A Seriyasında liqasında keçirmişdir.
