dayanacaq sözünün azərbaycan dilində istifadasi, mənası, izahı, yazılışı, tərcüməsi / Sözlük

Axırıncı dayanacaq (film, 2014)

Axırıncı dayanacaq tammetrajlı bədii filmi rejissor Fikrət Əliyev tərəfindən 2014-cü ildə ekranlaşdırılmışdır. Film İlqar Fəhmi və Fikrət Əliyevin ssenarasi əsasında "Azərbaycanfilm" kinostudiyasında istehsal edilmişdir. Film qocalar evində baş vermiş tragikomik hadisələrdən bəhs edir. İronik-komediya janrında olan film qocalar evinə düşmüş keçmiş polkovnikin həyatından bəhs edir. Pullarını itirmiş polkovnik dostlarından şübhələnməyə başlayır və bundan sonra başına gələn hadisələr onu gülüş obyektinə çevirir. Filmdə əsas rolları Tofiq Hüseynov, Arif Quliyev, Qorxmaz Əlilicanzadə, Səmayə Musayeva, Zemfira Sadıqova, Tariyel Qasımov, Fuad Poladov, Zemfira Nərimanova, Bəhram Bağırzadə və Ağaxan Salmanlı ifa edirlər. == Məzmun == İronik-komediya janrında olan film qocalar evinə düşmüş keçmiş polkovnikin həyatından bəhs edir. Pullarını itirmiş polkovnik dostlarından şübhələnməyə başlayır və bundan sonra başına gələn hadisələr onu gülüş obyektinə çevirir. İlk epizodda avtobusdan düşüb soruşaraq üz tutduğu qocalar evində gəncliyində itirdiyi sevgilisi Lətifəni (Zemfira Sadıqova) tapacaq Kərim (Kərim Məmmədov) əsas dramaturji hadisədən kənarda qalmaqla ən azı mətn çatışmazlığı ucbatından səbəb-nəticə əlaqəsi sayılan süjet kontekstində mövcud olsa da, mühitin ilkin təqdimatında mühüm rol oynayır. Kapitanın (Tofiq Hüseynov) yaddaşsızlıq ucbatından itirdiyi min manatın tapılması üçün keçmiş sahə müvəkkili Qəmbərlə (Qorxmaz Əlilicanzadə) onun əlaltısı Tapdığın (Arif Quliyev) cinayətkarın tutulması üçün əməliyyat cəhdləri komediya elementlərini üzə çıxarır.

dayanacaq sözünün leksik mənası və izahı

1 is. 1. Sərnişinlərin düşməsi və minməsi üçün tramvayın, avtobusun və s.-nin dayandığı yer. Tramvay dayanacağı. Avtobus dayanacağı. 2. Müvəqqəti yaşamaq üçün düzəldilən yer. Ov heyvanları bol olan sahələrdə ən qədim insanlar özlərinə dayanacaqlar düzəldirdilər. 3. Söykənəcək, dayaq. Əl ağacı qoca adam üçün ən yaxşı dayanacaqdır. // Əl ağacı. 4. məh. Araba oxunun, təkəri oxdan çıxmağa qoymayan və arabada laydırı dik saxlayan hissəsi. Arabanın dayanacağı.
Azərbaycan dilinin izahlı lüğəti / dayanacaq

dayanacaq sözünün etimologiyası

1 Laydırın yana yatmaması (əyilməməsi) üçün ona dayaq qoyurlar, qədim arabalarda yastıqda deşik açılmış, dayağın bir ucu ora geydirilmişdir. Oxu dəmirdən olan arabalarda (buna el arasında “at arabası – furqon” deyirlər) dayağı dəmirdən düzəldir və bir ucunu oxa geydirirlər. Deməli, dayanacaq sözü dayamaq feili ilə bağlıdır, ”laydırın dayağı” deməkdir. (Bəşir Əhmədov. Etimologiya lüğəti)
Azərbaycan dilinin etimologiya lüğəti / dayanacaq

dayanacaq sözünün sinonimləri (yaxın mənalı sözlər)

1 söykənəcək
Azərbaycan dilinin sinonimlər lüğəti / dayanacaq
2 duracaq
Azərbaycan dilinin sinonimlər lüğəti / dayanacaq
3 DAYANACAQ (nəqliyyat vasitələrinin dayanacaq yeri və sərnişinlərin minik üçün gözlədikləri yer) Adilə bütün bunları hiss etmədən irəliləyir, özünü taksi dayanacağına çatdırmağa can atırdı (Ə.Qasımov); DURACAQ Avtobus yola düşhadüşdə Kərim dayı zor-güc özünü duracağa çatdırdı (M.İbrahimov); DURUŞ (dan.) Tramvay duruşunda təyyarə bığlı bir gənc; Zilləyib gözlərini bir qapıya səhərdən (S.Rüstəm).
Azərbaycan dilinin sinonimlər lüğəti / dayanacaq

dayanacaq sözünün rus dilinə tərcüməsi

1 1. опора; 2. остановка;
Azərbaycanca-rusca lüğət / dayanacaq
2 1 сущ. 1. подпорка 2. диал. палка, трость, посох 3. физ., хим. штатив (подставка или подпорка с держателями для химической посуды) 4. горн. распорка (брус в различных сооружениях для придания устойчивости) 2 сущ. 1. остановка. Tramvay dayanacağı трамвайная остановка, avtobus dayanacağında на автобусной остановке, növbəti dayanacaq следующая остановка, axırıncı (sonuncu) dayanacaq конечная остановка 2. стоянка. Taksi dayanacağı (duracağı) стоянка такси
Azərbaycanca-rusca lüğət / dayanacaq

dayanacaq sözünün inglis dilinə tərcüməsi

1 i. 1. stop, stopping-place, station; (dəmir yolunda və ya avtobus marşrutunda axırıncı dayanacaq) terminus; (şəhərin mərkəzində avtobus dayanacağı) terminal; 2. bax dayaq I
Azərbaycanca-ingiliscə lüğət / dayanacaq

dayanacaq sözünün fransız dilinə tərcüməsi

1 is. arrêt m, stationnement m, stoppage m, station f
Azərbaycanca-fransızca lüğət / dayanacaq

dayanacaq sözünün ləzgi dilinə tərcüməsi

1 сущ. 1. акъваздай чка (мес. трамвайдин, автобусдин); 2. вахтуналди яшамиш жедай, амукьдай чка; 3. даях, агалтдай чка (затӀ); // кьуна акъваздай затӀ, кӀекӀец; 4. нугъ. арабадин гигинин, чарх акъваздай, чарх вичел тик хуьдай пай.
Azərbaycanca-ləzgicə lüğəti / dayanacaq

dayanacaq sözünün türk dilinə tərcüməsi

1 durak
Azərbaycanca-türkcə lüğət / dayanacaq

dayanacaq sözü azərbaycan dilində

Yazılış

Mündəricat