* azərbaycan dilinin orfoqrafiya lüğətində mövcuddur
* Sözün müxtəlif mətnlərdə yazılışı.
Sözün tezliyi - sözün mətnlərdə hansı tezliklə rast gəlinmə göstəricisidir. Bu rəgəm 1 000 000 söz arasında sözün neçə dəfə meydana gəlməsini göstərir.
2010 | •••••••••••••••••••• | 0.09 |
1 is. Düz, düzən, düzənlik. Yolun o tərəf-bu tərəfi göz işlədiyi qədər düzəngahdır. – …Çıxaq bir uca dağın başına; baxıb görəcəgik ki, dörd bir ətrafdan göy yapışıb yerə və baxıb görəcəgik ki, yerin üzü meydan kimi bir düzəngahdı. C.Məmmədquluzadə. Binə kəndindən Saray bağlarının ətəyinədək uzanan düzəngaha Təmənnis deyərdilər. H.Sarabski.
Azərbaycan dilinin izahlı lüğəti / düzəngah1 DÜZƏNGAH “Görüblər” əhvalatı Şehlidən ətraf kəndlərə, hətta qarlı hündür dağları aşaraq Qarabağın bozaq düzəngahlarına da çatdı (S.Rəhimov); DÜZƏN Yaşıl düzəndə bir kənd... kirəmitli daxmalar... Əziz qonaq gəlibdir təravətli ilk bahar (M.Rahim); ARAN [Qəndab:] Obamızın camaatı, yerindən-yurdundan əl çəkmiş kimi, heç şeyə məhəl qoymurdu, elliklə köçüb getmək, aran yerlərində məskən salıb əkib-biçmək haqqında düşünürdü (B.Bayramov); ÇÖL Mən səhər ala qaranlıqdan çöllərdə işləmişdim (M.İbrahimov); DÜZ Şahin: Qarşıdakı düzdən keçib böləni aşanda bulağın üstünə enəcəyik (B.Bayramov); DÜZƏNLİK Görürəm çiçək açır Kür-Araz düzənliyi (Ə.Cəmil); DÜZLÜK Araz Şeydaya: Sizin bu mədənlərdə düzlükdən başqa bir şey var? (A.Şaiq); QIR (köhn.) Cənnət qoxan qırlar, əngin obalar; Bir atlasdır, yaşıl ucu görünməz (A.Şaiq); YASTANA Firəngiz sinə aşağı enəndə ceyran bulağının üstündəki yastanaya xeyli adam toplaşdığını gördü (B.Bayramov); YASAMAL.
Azərbaycan dilinin sinonimlər lüğəti / düzəngah