Mixail Rayev-Kaminski
Rayev-Kaminski Mixail (Yakov) Qriqoryeviç (2 yanvar 1894, Çigirin, Kiyev quberniyası[d] – 4 mart 1939, Moskva) — Azərbaycan SSR xalq daxili işlər komissarı (1938).
== Həyatı ==
1894-cü il yanvar ayının 2-də Kiyev vilayətinin (indiki Ukrayna Respublikası) Çigirin şəhərində anadan olmuşdur. Milliyyətcə yəhudidir. İbtidai təhsilli olmuşdur. 1938-ci ilin yanvarın 7-dən noyabrın 11-nə qədər Azərbaycan SSR XDİK-nə rəhbərlik etmişdir.
Qriqori Kaminski
Qriqori Naumoviç Kaminski (ukr. Григорій Наумович Камінський; 1 noyabr 1895, Dnepr – 10 fevral 1938, Moskva) — sovet partiya və dövlət xadimi.
== Həyatı ==
Qriqori Kaminski 1913-cü ildən RSDFP(b) üzvü olub. 1920-ci ilin oktyabrından 1920-ci ilə kimi Azərbaycan KP MK-sının icraçı katibi, Bakı Fəhlə və Qırmızı Ordu Əsgərləri Sovetinin sədri (1921), Azərbaycan KP MK bürosunun üzvü olub.
Yanuş Kaminski
Yanuş Ziqmund Kaminski (pol. Janusz Zygmunt Kamiński; 27 iyun 1959, Zembise, Polşa) — ABŞ və Polşa kinooperatoru və rejissoru, Stiven Spilberq "Şindlerin siyahısı" filmindən başlayaraq, bütün filmlərində onunla işləyir.
== Həyatı və yaradıcılığı ==
Yanuş Kaminski Polşanın Zembise şəhərində anadan olmuşdur. Onun valideynləri Yadviqa Selner və Marian Kaminski olmuşdur. 1981-ci ildə 21 yaşında olarkən, baş nazir Voyçex Yaruzelskinin Polşada hərbi vəziyyət elan etməsi ilə əlaqədar ABŞ-yə mühacirət etmişdir.
1982-1987-ci illərdə Çikaqodakı Kolumbiya Kollecində kino istehsalı sahəsi üzrə təhsil almışdır. Daha sonra isə təhsilini AFI Konservatoriyasında (Amerika Film İnstitutu) davam etdirmiş və təsviri incəsənət üzrə ustad dərəcəsi almışdır. O, kinematoqrafiya institutunda gələcəkdə ən yaxşı operator işinə görə "Oskar" mükafatı əldə edəcək Uolli Pfisterlə tanış olur. Bu operator hazırda Kristofer Nolanla birlikdə çəkdiyi "Betmen: Başlanğıc" və "Qara cəngavər" filmlərilə məşhurdur.
== Şəxsi həyatı ==
Kaminski 1995-2001-ci illərdə aktrisa Holli Hanterlə ailəli olmuşdu.
