Kaunos
Kaunos (Kariya dilində: Kbid; Likiya dilində: Khbide; Yunanca: Καῦνος; Latınca: Caunus)— Qədim Anadolunun Kariya bölgəsində yerləşən qədim şəhərdir.
Muğlanın Köyceğiz ilçəsinin Çandır məhəlləsi sərhədləri daxilində yerləşir.
Muğlanın Ortaca ilçəsinin Dalyan məhəlləsindən Kaunos qaya məzarlarını çox rahat şəkildə görmək olar.
Şəhər ətrafından Kalpis çayının keçdiyi dağlıq təpənin yamacında salınmışdır.
Zamanında liman şəhəri olan şəhər Dalyan deltasının əmələ gəlməsi ilə bu gün dəniz kənarından uzaqlaşıb.'
== Mifologiya ==
Mifologiyaya görə Kaunos Kariya kralı Milet və Kyanenin oğlu, Apollonun nəvəsi Kral Kaunos tərəfindən qurulmuşdur. Kaunosun Byblis adında bir əkiz bacısı var idi və bu bacısı ona qarşı dərin sevgi bəsləyirdi. O, qardaşına sevgi məktubu yazaraq, ona hisslərini izah edəndə, o, başqa yerə yerləşmək üçün bəzi izləyiciləri ilə birlikdə qaçmaq qərarına gəldi. Əkiz bacısı kədərdən dəli olub, onu axtarmağa başlayıb və intihara cəhd edib. Mifologiyada deyilir ki, Kalbis çayı onun göz yaşlarından yaranıb.
== Məskunlaşma xüsusiyyətləri və cəmiyyət ==
Bir mifə görə, Dalyan çayının Çandır məhəlləsi tərəfində yerləşən şəhər, Miletosun əkiz uşaqlarından biri olan Kaunos tərəfindən Kariya-Likiya sərhəddində salınmışdır.
