Kedah
Kedah— Malayziya yarımadasının şimal-qərb hissəsində yerləşən Malayziya ştatı. Ştatın ərazisi ümumilikdə 9,000 km²-dir . Kedah materik hissə və Lanqkavi arxipelağından ibarətdir. Materik hissəsi nisbətən hamar relyefə malikdir və düyü becərilməsi üçün istifadə olunur. Lanqkavi adalardan ibarət arxipelaqdır və ərazisinin çox hissəsində məskunlaşma yoxdur.
Kedah Tailandın Yala və Sonqkhla əyalətləri ilə beynəlxalq sərhədlərə malikdir. Ştat həmçinin şimaldan Perlis, cənubdan Perak, cənub-qərbdən Pinanq ştatı ilə həmsərhəddir.
Ştatın inzibati mərkəzi Alor Setardır. Digər əsas şəhərlər materik ərazisində yerləşən Sunqai Petani və Kulim, arxipelaq ərazisində yerləşən Kuahdır.
Kedah sultanlığı
Kedah sultanlığı (كسلطانن قدح) — Malay yarımadasında müsəlman dövlət. Əvvəlcə müstəqil dövlət kimi çıxış etmiş, lakin 1909-cu ildə Britaniya protektoratına çevrilmişdir. Kedah monarxiyası Malay İttifaqına əlavə edildikdən sonra ləğv edilmiş, lakin sonradan bərpa edilərək və Malay Federasiyasına əlavə olunmuşdur.
Müzzil şah (Kedah)
Paduka Şri Sultan Muzzil Şah ibni əl-Marhum Sultan Məhəmməd Şah (v. 1280) — dördüncü Kedah sultanı. Onun hakimiyyəti 1237–1280-ci illəri əhatə edir. O, dövlətin paytaxtını Kota Meryamdan Kota Sunqay Mas şəhərinə köçürmüşdür.
Məhəmməd şah (Kedah)
Paduka Sri sultan Məhəmməd şah ibni Mərhum sultan Müəzzam şah (v. 1236) — üçüncü Kedah sultanı. Onun hakimiyyəti 1202-ci ildən 1237-ci ilə qədərki dövrü əhatə edir. Kedahda istifadə edilən ilk qızıl sikkənin bir tərəfində "Məhəmməd şah", digər tərəfində isə "əl-Sultan əl-Kedah" sözləri vardır.
İbrahim şah (Kedah)
Paduka Sri sultan İbrahim şah ibni Mərhum sultan I Mahmud şah — altıncı Kedah sultanı. Onun hakimiyyəti 1321-ci ildən 1373-cü ilə qədərki dövrü əhatə edir. 1323-cü ilin mayında Kota Seputih şəhərini paytaxt təyin etmişdir.
I Mahmud şah (Kedah)
Paduka Sri sultan I Mahmud şah ibni Mərhum sultan Müzzil şah (v. 1321) — beşinci Kedah sultanı. Onun hakimiyyəti 1280-ci ildən 1321-ci ilə qədərki dövrü əhatə edir. O, Tenasserim qəbiləsindən Kota Seputih və Kota Di Hulu Sunqay Merpah qalalarının tikilməsini əmr etmişdi.
I Süleyman şah (Kedah)
Paduka Sri sultan Süleyman şah I ibni Mərhum sultan İbrahim şah (v. 1423) — yeddinci Kedah sultanı. Onun hakimiyyəti 1373-cü ildən 1423-cü ilə qədərki dövrü əhatə edirdi. Onun hakimiyyəti dövründə Kedah Pasey sultanlığı tərəfindən hücuma məruz qalmışdı.
I Müzəffər şah (Kedah sultanı)
Paduka Sri sultan I Müzəffər şah (v. iyul 1179, Kedah sultanlığı) — "Kedah annalları"na görə, əfsanəvi padşah və Kedahın birinci sultanı. O, Kedahın son hindu padşahı idi. İslamı qəbul etdikdən sonra Kedah sultanlığının qurucusu olmuşdur.
Barringtonia kedahensis
Barringtonia acutangula (lat. Barringtonia acutangula) — barrinqtoniya cinsinə aid bitki növü.
== Arealı ==
Barringtonia acutangula növü Əfqanıstandan Avstraliyaya qədər yayılmışdır.
== Sinonim ==
== İstinadlar ==
Barringtonia acutangula:''The Plant List saytında takson barədə məlumat.
