Cozef Patrik Kennedi
Cozef Patrik (Co) Kennedi-böyük (ing. Joseph Patrick «Joe» Kennedy, Sr.;6 sentyabr 1888[…], Boston – 18 noyabr 1969[…]) — amerikalı sahibkar və siyasi xadim.
ABŞ prezidenti Con Kennedinin , ABŞ senatoru və baş prokuror Robert Kennedinin , senator Edvard Kennedinin , hərbi pilot, II Dünya Müharibəsi qəhrəmanı Kiçik Cozef Kennedinin, Xüsusi Olimpiadaların həmtəsisçisi Yunis Kennedi Şiverin, Amerikanın İrlandiyadakı səfiri Cin Enn Kennedi Smitin atası, Cozef Kennedi II və Patrik C. Kennedi konqresmenlərin babası.
Amerika Birləşmiş Ştatlarının Demokratik Partiyasının və Amerika İrland cəmiyyətinin aparıcı üzvü olmuşdur. Prezident Franklin Ruzvelt tərəfindən təyin olunan Qiymətli Kağızlar və Birja Komissiyasının (ABŞ) sədri, sonra isə Amerika Birləşmiş Ştatları Dəniz Komissiyasının rəhbəri vəzifəsində çalışmışdır. Kennedi, İkinci Dünya Müharibəsinin başlanğıcı da daxil olmaqla 1938-ci ildən 1940-cı ilin sonuna qədər ABŞ-nin Britaniyadakı səfiri vəzifəsini icra etmişdir.
== Bioqrafiyası ==
Klanın qurucusu İrlandiya əsilli Cozef Patrik Kennedi-böyük, sərvətini qadağan olunmuş, qanunsuz spirtli içki ticarətində qazanmışdır. Bundan sonra birjada spekulyasiya edən torpaq və daşınmaz əmlak alqı satqısı ilə məşğul olmuşdur. İyirmi beş yaşında artıq o, bir bankın rəhbəri idi , otuz beş yaşında isə multimilyoner olmuşdur. ABŞ-nin Britaniyadakı səfiri təyin olunmuşdur.