Şelkovnikov su kutorası
Şelkovnikov su kutorası (lat. Neomys teres və ya Neomys schelkovnikovi), (Eulipotyphla) dəstəsinə, Yereşənlər (lat. Soricidae) fəsiləsinə aid olan məməli növüdür. Bütün Qafqaz və Kiçik Asiyanın ona həmsərhəd olan ərazisi üçün endemikdir.
Ən iri yereşəndir. Kütləsi 12–26,5 q, bədəninin uzunluğu 71–102 mm, quyruğu 53–75 mm, pəncələri 15–22 mm-dir. Tükləri başqa kutorlardakından uzundur. Gözləri tükün içində gizlənmişdir. Pəncələrində tükdən üzmə çıxıntıları yaxşı inkişaf etmişdir.
Bütün Qafqazda və güman ki, Türkiyə və İranın qonşu ərazilərində yayılmışdır.
