Lisyanski yarımadası
Lisyanski yarımadası — Oxot dənizinin şimalında, Xabarovsk diyarı ərazisində yerləşən yarımada. Uşki körfəzindən şərqdə, Yeyrineyskaya körfəzindən qərbdə yerləşir. Yarımadanın ümumi sahəsi 625 km² təşkil edir. Maksimal hündürlük Xadaça dağıdır (1211 m). Əsasən sərt suxurlardan təşkil olunmuşdur. Dağ tundrasına uyğun bitkilərə rast gəlinir. Məşhur rus dənizçisi Yuri Fyodroviç Lisyanskinin şərəfinə adlandırılmışdır.
Yuri Lisyanski
Lisyanski Yuri Fyodoroviç (rus. Ю́рий Фёдорович Лися́нский; 1773-1837) — rus səyyahı, tədqiqatçısı
== Fəaliyyəti ==
Y.F.Lisyanski Havay adaları və Alyaska (Böyük torpaq) sahillərini tədqiq edən səyyah ,eləcə də hərbi qulluqçu və tədqiqatçı olmuşdur. 1805-ci ildə "Neva" gəmisi xəzlə yüklənərək Çinə istiqamət götürür. 1806-cı ildə çay, ipək parçalar, çini qablarla yüklənərək Rusiya istiqamətində üzürlər. Ümid burnunda dumanda ayrı düşmüş "Nadejda" gəmisi 1806-cı ilin avqustunda Kronştada çatarkən Sisyanskinin onu iki həftə qabaqladığını görmüşdür.
Beləliklə, rusların üç il on iki günlük dünya səyahəti başa çatmış oldu. Bu ekspedisiya müddətində dünya xəritəsnə yeni adalar əlavə olundu, 400 metrə qədər dərinlikdə suyun sıxlığı və temperaturu öyrənildi, dəniz axınları dəqiqləşdirildi, Amerikaya gedən dəniz yolu mənimsənildi. İ.F.Kruzentern "1803, 1804, 1805, 1806-cı illərdə dünya səyahəti", Y.F.Lisyanski "1803, 1804, 1805, 1806-cı illərdə "Neva" gəmisində dünya səyahəti" kitabları bu ekspedisiyanın nəticələrinin məhsulu olmuşdur.
