Xan Lənkaran FK
Xan Lənkəran FK — və ya rəsmi adı ilə Xan Lənkəran Futbol Klubu. 2021-ci ildə Azərbaycanın Lənkəran şəhərində yaradılmış həvəskar statuslu futbol klubu.
== Tarix ==
"Xan Lənkəran" 2021-ci ildə Rusiya Federasiyası vətəndaşı olan azərbaycanlı Pərviz Hüseynovun təşəbbüsü ilə yaradılmışdır. "Xan Lənkəran" futbol klubunun adı klubun prezidenti tərəfindən qoyulmuşdur. Bu komanda əvvəlcə " Mamusta" adı altında fəaliyyətə başlamışdır. Klubun baş məşqçisi Türkiyənin "Adana Dəmirspor" klubunda UEFA Pro kateqoriyalı, TFF 1-ci liqasında fəaliyyət göstərmiş İbrahim Uzuncadır.
Klubun əksər oyunları "Xəzərin" stadionunda keçirilmiş, "Sumqayıt"la yoldaşlıq, "Qobustan"la liqa görüşü Lənkəran Olimpiya Kompleksində oynanılmışdır. Meydança süni, azarkeş tutumu az olduğu üçün "Xan Lənkəran" futbol klubu "Xəzər Lənkəran" rəhbərliyi ilə görüşmüş, həmin görüşdən sonra "Xan Lənkəran"-nın sözügedən klubun bazasında yerləşməyinə və ev oyunlarını onlara məxsus stadionda keçirməyinə dair razılıq əldə olunmuşdur. 2022-ci ildə keçirilmiş PFK-nın AFFA Region liqası çərçivəsində "Cənub zona"sı üzrə qrup oyunlarında Xan Lənkəran futbol komandası "Astara", "Ümid", "Ərkivan" və "
Qobustan" futbol komandaları ilə qarşılaşmış, qrup oyunlarını məğlubiyyətsiz və lider olaraq bitirmişdir. Komandanın futbolçularından Röyal Nəcəfov 10 qol, Zaur Nuruzadə isə 8 qolla cənub zonası üzrə bombardirlik cədvəlinə başçılıq etmişdirlər.