Aermacchi M-346
Alenia Aermacchi M-346 Master İtaliyanın Leonardo şirkətinin istehsalı olan hərbi məqsədlər üçün istifadə olunan reaktiv təlim-məşq təyyarəsidir. Əvvəllər Rusiyanın Yakovlev şirkəti ilə birlikdə istehsalı planlaşdırılsa da, 2000-ci ildə tərəfdaşlığın ləğv olunmasından sonra "Alenia Aermacchi" şirkəti M-346 təyyarəsini ayrılıqda istehsal etməyə başlamışdır. Təyyarənin ilk uçuşu 2004-cü ildə həyata keçirilmişdir. Hazırda İtaliya, İsrail, Azərbaycan, Sinqapur və Polşanın hərbi hava qüvvələri tərəfindən istismar olunur. 2016-cı ildə "Alenia Aermacchi"nin "Finmeccania" şirkətinə birləşməsindən sonra əsas istehsalçı 2017-ci ildən etibarən "Leonardo" şirkəti olmuşdur.
== Taktiki-texniki xüsusiyyətləri ==
=== Ümumi parametrlər ===
Ekipaj: 2 nəfər
Uzunluğu: 11.49 m
Qanad uzunluğu: 9.72 m
Hündürlüyü: 4.76 m
Qanadının sahəsi: 23.52 m²
Boş çəki: 4,610 kq
Yüklü çəki: 6,700 kq
Maksimum qalxma çəkisi: 9,500 kq
Güc təminatçısı: 2 × Honeywell F124-GA-200 (hər birinin itələmə gücü 28 kN)
=== Uçuş keyfiyyətləri ===
Maksimal sürət: 1,059 km/s
Uçuş məsafəsi: 1,981 km
Maksimal uçuş məsafəsi: 2,722 km (əlavə 3 yanacaq çəni ilə)
Uçuş tavanı: 13,716 m
Yüksəkliyə qalxma sürəti: 6,705 m/dəq
Qanad yüklənməsi: 285 km/m²
Çəkmə gücünün çəkiyə nisbəti: 0.84
=== Silahlanması ===
Xarici asmalarda 3000 kq ağırlığında raket və ya aviabomba daşıya bilər
== İstifadəçiləri ==
İtaliya: 18 ədəd T-346A variantı sifariş olunub.