Marietta Yannaku
Marietta Yannaku (yun. Μαριέττα Γιαννάκου; 6 iyun 1951 – 27 fevral 2022, Afina) — Yunan siyasətçi və dövlət xadimi, Yeni Demokratiya Partiyasının üzvü, Yunanıstan Parlamentinin deputatı (2019-cu ildən), Avropa Parlamentinin sabiq üzvü və Avropa Xalq Partiyası fraksiyasının üzvü (1984–1990, 1999–2000, 2009–2014), Təhsil və Dini İşlər naziri (2004–2007), Səhiyyə naziri (1990–1991).
== Bioqrafiyası ==
5 iyun 1951-ci ildə Lakoniyanın Erakion kəndində anadan olmuşdur. Panayotis Yannakisin qızıdır.
Afina Universitetinin Tibb fakültəsini bitirmişdir.
1974-cü ilin oktyabrında Yeni Demokratiya gənclər təşkilatının qurucularından biri kimi icraiyyə komitəsinin üzvü olmuşdur. 1979-cu ildə Yeni Demokratiya Partiyasının, 1997-ci ildən Mərkəzi Komitənin, 1998-ci ildən İcraiyyə Komitəsinin üzvü olmuşdur. 29 iyul 2004-cü ildə partiyanın VI qurultayında partiyanın siyasi şurasının üzvü seçilmişdir. 2007-ci ilin iyul ayında VII Konqresdə Siyasi Şuranın üzvü olaraq yenidən seçilir. 1981–1984-cü illərdə partiya prezidentinin müşaviri olmuşdur.