Melpomena
Yunan mifologiyasına görə Melpomina (yun. Μελπομένη - "oxuyan") doqquz muzadan biri, faciə: kədərli poeziya və kədərli, qəmgin nəğmələr muzasıdır. Onun simvolu qəmgin üzlük maskasıdır. Melpomena bir əlində qəmgin üzlük maska, digər əlində dəyənək tutmuş və başına qoyulmuş üzüm budağından çələnglə təsvir edilir.
Melpomena Kurniçeva
Melpomena Kurniçeva (bolq. Мелпомена Кърничева, mak. Мелпомена Крничева) — Bolqar inqilabçısı - terrorçu, Daxili Makedoniya-Odrinsk inqilabi təşkilatı üzvü, Daxili Makedoniya-Odrinsk inqilabi təşkilatı rəhbəri Vançe Mixaylovun həyat yoldaşı. Mença ləqəbi ilə tanınır. Milliyyətcə arumın olmuşdur.
Melpomena indiki Şimali Makedoniyanın Kruşevo şəhərində, Sofiyada biznesi olan arumın tacirin ailəsində anadan olub. Onun ana nəslindən olan ulu babası türklər tərəfindən öldürülən Kruşevli bolqar keşişi idi.
1918-ci ildə Melpomena Münhendə təhsil alıb və görkəmli bolqar-makedoniyalı inqilabçı, sosialist və terrorçu Todor Panitsa dərnəyinin üzvü olub. Lakin Birinci Dünya müharibəsi bitdikdən sonra Bolqarıstana qayıdır. O, Makedoniyanın azadlığı uğrunda qadın hərəkatının fəalı olmuşdur.
