Ovulyasiya
Ovulyasiya (lat. Ovulla — yumurta) — yetkin bir follikulun qırılması nəticəsində yumurtalıqdan yumurta hüceyrələrinin uşaqlıq borusuna buraxılmasını təmsil edən hadisə. Ovulyasiya zamanı yumurtalıq ikinci dərəcəli oositlərin yetişmə mərhələsində yerləşir. Yumurta hüceyrələri follikuldan yumurtalıq kanalına (qadınlarda fallopiya borusu adlanır) daxil olur və burada mayalanma baş verir. Ovulyasiyanın bioloji mənası yumurta hüceyrələrinin mayalanması və cinsi yolla keçməsi üçün follikuldan sərbəst buraxılmasıdır.
Ovulyasiya qadında menstruasiyadan 14 gün əvvəl başlayır. Yumurta hüceyrələrinin follikuldan çıxması prosesi bir saatdan çox çəkmir, bundan əlavə, fallopiya borusununa daxil olduqdan sonra yumurta hüceyrələri təxminən bir gün mayalanma qabiliyyətini saxlayır. Obyektiv olaraq, qadın ovulyasiya anını hiss edə bilmir. Ovulyasiya ehtimalının yüksək olduğu müddətə ovulyasiya dövrü deyilir.
Ovulyasiya dövrünün müəyyən bir müddəti yoxdur, müxtəlif tədqiqatçılar bu dövrünün fərqli müddətini göstərir – bu, ovulyasiyanın müəyyən edilməsi üsullarından asılıdır.
