Petrovna sözü azərbaycan dilində

Böyük hersoqina Anna Petrovna (Rusca: Анна Петро́вна) (d. 27 yanvar 1708 — ö. 4 mart 1728) — Rusiya imperatoru I Pyotr və xanımı Yekaterina Alekseyevnanın ən böyük qızıdır. Kiçik bacısı Yelizaveta Petrovna 1741–1762-ci illərdə imperatriça olaraq imperiyanı idarə etdi. Atasının və anasının səltənətlərində vəliəhd olsa da, heç vaxt taxt uğrunda mübarizə aparmamışdır. Buna baxmayaraq oğlu III Pyotr 1762-ci ildə xalasının xələfi olaraq taxta oturdu. Evlilik yolu ilə Şlezviq-Holşteyn hersoqinası təyin edildi.

Kseniya Petrovna (erz. Петрова, Ксения Семёновна 1892, Buquruslan, Samara quberniyası[d] – 1942) — Erzyan şairə, yazıçı, dramaturq. == Bioqrafiyası == Kseniya Semenovna Petrova 1892-ci ildə Samara əyalətinin Buquruslan şəhərində torpaqsız təsərrüfat fəhləsi ailəsində anadan olub. Məktəbdə yalnız üç ay təhsil almağı müvəffəq olur. 1919-cu ildə müəllim adı almaq üçün imtahan verməli olur. Bundan sonra məktəbdə dərs deyir. Böyüklər arasında savadsızlığın aradan qaldırılmasında fəal iştirak edir. Vətəndaş müharibəsi illərində Buquruslan qəzasındaə Ağ Qvardiya və Çexoslovakiya üsyançılarına qarşı vuruşur. Döyüşlərin birində ağır yaralanır. 1920-ci ildə Buquruslan qəzası xalq maarif şöbəsinin müdiri işləyir.

Yelizaveta Petrovna (rus. Елизаве́та Петро́вна; (29 dekabr 1709, Kolomenskoye[d], Moskva quberniyası[d] və ya Moskva – 5 yanvar 1762[…], Sankt-Peterburq) — 1741-ci ildən ölümünədək Rusiya imperiyasının imperatriçası olmuşdur. XVIII əsrin iki böyük Avropa müharibəsi zamanı ölkəni idarə etdi: Avstriya vərasət müharibəsi (1740–1748) və Yeddiillik müharibə (1756–1763). Ölümü əsnasında imperiya 16,200,000 km2 əhatə edirdi. Yürütdüyü daxili siyasət nəticəsində zadəganlar hakimiyyətdə söz sahibi oldular. Mixail Lomonosovun Moskva Universitetini və İvan Şuvalovun Sankt Peterburqdakı İncəsənət Akademiyasını qurmaqda himayədarlıq etdi. Eyni zamanda ən sevimli memarı olan F. B. Rastrellinin xüsusilə Peterhofda inşa etdiyi barokko üslubundakı əsərləri maliyyələşdirdi. Sankt Peterburqdakı Qış sarayı və Smolnı kafedralı onun səltənətinin əsas memarlıq əsərləridir. Prussiyaya qarşı yürütdüyü sərt siyasətlə və səltənəti dövründə ölüm hökmü çıxarmamaqla tanınmışdır. == Həyatı == === İlk illəri === Yelizaveta 29 dekabr 1709 tarixində Rus çarı I Pyotr və onun ikinci xanımı I Yekaterinanın qızı olaraq Moskva yaxınlığındakı Kolomonskaya mülkündə dünyaya gəlmişdir.