Qubada Azərbaycan Milli Qolf Klubu
Qubada Azərbaycan Milli Qolf Klubu — Azərbaycan Respublikasının Quba rayonunda qolf ilə məşğul olanlar üçün nəzərdə tutulan beynəlxalq səviyyəli idman qurğusu. Azərbaycan Qolf Federasiyasının balansındadır.
İnşasına 2012-ci ildə başlanılan klubun 44 qolf avtomobilindən ibarət parkı vardır.
Bu qolf sahəsinin ümumi ərazisi 92 hektar, meydançanın sahəsi isə 75 hektardır. İnzibati bölmədə idman avadanlığı mağazası və kafe vardır. Bu idman obyektinin Cənubi Qafqaz regionunda bənzəri yoxdur. Belə ki, bu idman qurğusu regionda 18 dəlikli ilk qolf meydançasıdır. Kompleksin ərazisində su maneələri üçün üç süni göl yaradılmışdır. Burada həm də qolf üzrə müxtəlif treninqlərin keçirilməsi nəzərdə tutulur. Azərbaycan Milli Qolf Klubundakı şərait dünya standartlarına tam cavab verir.
Qubadabad Sarayı
Qubadabad Sarayı Konya Beyşehir-Isparta Yenişarbademli arasındakı yolun 5-ci kilometrliyində, Gölyaka kəndinin sərhədlərinin daxilində yerləşir. Məşhur səlcuq tarixçisi İbn Bibinin özünün yazmış olduğu “Səlcuqnamə” əsərində bəhs etdiyi və I Əlaəddin Keyqubadın (1220-1236) göstərişi ilə Sadəddin Köpək tərəfindən inşa edilən Qubadabad Saray Kompleksi müasir dövrümüzə qədər gəlib çatmağı bacarmış olan yeganə Anadolu Səlcuqlu dövlətinə məxsus saray tikilisidir.
