qürub sözü azərbaycan dilində

qürub sözünün leksik mənası və izahı

• 1 is. [ər.] Batma, üfüqün altına keçib görünməz hala gəlmə. Günəşin qürubu. Qürub vaxtı. – Günəş qürubunun qırmızı buludları günbatan tərəfi … bürümüşdü. C.Məmmədquluzadə. Uçan durna, sönən qürub nağılları andırır. Ə.Cəmil. // Günbatan vaxt. Müşavirə qürubdan bir-iki saat keçənə qədər davam etdi. Çəmənzəminli. □ Qürub etmək – 1) batmaq. Bu vaxt gün qürub etdi. M.F.Axundzadə. Gün qürub etməyə edirdi şitab; Kainata enirdi bir zülmət. C.Cabbarlı. Bir axşam günəş qürub edirkən yenə meşədən o səs yüksəldi. Ə.Məmmədxanlı; 2) məc. yox olmaq, zail olmaq. Qurtardı nisfi-şamdə, saqi, şərabımız; Etdi qürub, heyf, bizim afitabımız. S.Ə.Şirvani. // Günbatan tərəf, qərb. Günəş ətəklərini yavaş-yavaş qüruba doğru çəkməyə başlamışdı. A.Şaiq. Məxmər kimi yumşaq alaqaranlıq içində əlindəki kətmənə dirsəklənərək, üzü qüruba dayanıb gülümsəyən o gənc qadının çöhrəsində bir bahar təranəsi duyulurdu. İ.Əfəndiyev.

  Azərbaycan dilinin izahlı lüğəti / qürub

qürub sözünün sinonimləri (yaxın mənalı sözlər)

• 1 batma — günbatan

  Azərbaycan dilinin sinonimlər lüğəti / qürub

qürub sözünün antonimləri (əks mənalı sözlər)

• 1 QÜRUB – MƏŞRİQ Onlar hadisə yerinə çatanda gün qüruba əyilmişdi (T.Kazımov); Gün məşriqdən doğur.

  Azərbaycan dilinin antonimlər lüğəti / qürub

qürub sözünün rus dilinə tərcüməsi

• 1 заход, закат (солнца)

  Azərbaycanca-rusca lüğət / qürub

• 2 I сущ. заход, закат солнца, закатное освещение неба II прил. закатный. Qürub günəşi закатное солнце, qürub şüası закатный луч, qürub saatı закатный час; qürub etmək (eləmək) заходить, зайти, закатываться, закатиться (о солнце, луне) ◊ qürub nəğməsi лебединая песня (о каком-л. последнем выдающемся произведении кого-л.)

  Azərbaycanca-rusca lüğət / qürub

qürub sözünün inglis dilinə tərcüməsi

• 1 I. i. setting; sunset; məc. decline II. s. declining; ömrün ~ illəri declining years of life; ~ çağı sunset; ~ çağında at sunset

  Azərbaycanca-ingiliscə lüğət / qürub

qürub sözünün fransız dilinə tərcüməsi

• 1 is. coucher m du soleil, soleil m couchant ; məc. déclin m

  Azərbaycanca-fransızca lüğət / qürub

qürub sözünün ləzgi dilinə tərcüməsi

• 1 [ər.] сущ. 1. акӀун; акӀидай вахт (рагъ); günəşin qürubu рагъ акӀун; qürub etmək а) акӀун (рагъ); б) пер. квахьун, квахьна фин, амукь тавун; 2. рагъ акӀидай пад, мэгъ пад.

  Azərbaycanca-ləzgicə lüğəti / qürub

qürub sözü azərbaycan dilinin lüğətlərində