Ruzigar sözü azərbaycan dilində

ruzigar sözünün leksik mənası və izahı

• 1 is. [fars.] 1. Külək, yel. …Bakı axşamına məxsus sərin ruzigar əsməkdə idi. M.S.Ordubadi. Çılğın kimi ruzigar vıyıldar; Qar parçaların göyə sovurar. A.Şaiq. Kəndin kənarındakı əkinlərin başaqları xəfifcə əsən bir ruzigarın təsiri ilə sakit bir dəniz kimi ləpələnir. S.Hüseyn. // məc. Təşbehlərdə: iti, sürətli mənasında. Uçun ey vətənin ruzgar qanadlı; Şahin təbiətli mərd oğulları! Ə.Cəmil. 2. Hava mənasında. Ruzigar qaranlıqlaşdı. Ruzigar buludlaşdı. – Bəzən də ruzigar dəyişir, hava elə quraq keçir ki, cücü əlindən yollardan ötmək olmur. Mir Cəlal. 3. məc. Dövran, zəmanə; tale, fələk. Olur tədbirimə bir gün müvafiq ruzigar, əlbət. S.Ə.Şirvani. [Xədicə:] Necə ağlamayım ki, illər ilə bəslədiyim məhəbbəti ruzigar puç etmək istəyir. N.Nərimanov. 4. məc. Ömür, yaşayış, həyat, gün. Neçə gündür didarını görmənəm; Ruzigarım qara günə bağlandı. M.P.Vaqif. 5. Güzəran, vəziyyət, gün, hal. Yenə tazələndi dövran; Nə gözəl ruzigar oldu. Q.Zakir. [Tafta:] Qabaqlar [Sevili] gördüm, göz gərək ruzigarına ağlasın. C.Cabbarlı. Ana mehriban gözlərini Cəmilə dikib balasının ağır ruzigarına acıyırdı. S.Rəhimov. □ Ruzigarını keçirmək – gün(ünü) keçirmək, birtəhər yaşamaq, həyat sürmək. Yoldaşımın sənəti baqqaldı, yəni bir daxmaya üç-dörd pud duz, bir qutu kişmiş və dörd-beş paçka maxorka tütünü qoyub satır və o da bu cür ruzigarını keçirir. C.Məmmədquluzadə. ◊ Ruzigarı bəd əsmək – bəxti gətirməmək, bəxti küsmək, taleyi üz döndərmək. Biçarə Məhəmmədin ruzigarı bəd əsdi; Üzünə saldı, gəldi bu altıncı qız – “Bəsti”. Ə.Cavad.

  Azərbaycan dilinin izahlı lüğəti / ruzigar

ruzigar sözünün sinonimləri (yaxın mənalı sözlər)

• 1 zaman — vaxt

  Azərbaycan dilinin sinonimlər lüğəti / ruzigar

• 2 həyat — yaşayış — ömür

  Azərbaycan dilinin sinonimlər lüğəti / ruzigar

ruzigar sözünün inglis dilinə tərcüməsi

• 1 ruz(i)gar i. 1. wind; 2. weather; 3. məc. life, existence; pis ~ keçirmək to live badly; ◊ ~ı bəd əsmək to fail, to miscarry; to suffer a setback

  Azərbaycanca-ingiliscə lüğət / ruzigar

ruzigar sözünün fransız dilinə tərcüməsi

• 1 is. traintrain m de la vie ; vie f ; manière f de vivre

  Azərbaycanca-fransızca lüğət / ruzigar

ruzigar sözünün ləzgi dilinə tərcüməsi

• 1 [fars.] сущ. 1. гар; // пер. тешпигьра: хци, зарб, йигин манада; 2. гьава; 3. пер. девран, замана; кьисмет, фелек; 4. пер. уьмуьр, яшайиш, югъ; 5. гьал, везият, дуланажагъ, югъ; ruzigarını keçirmək югъ акъудун, са тегьер яшамиш хьун, уьмуьр гьалун; ** ruzigarı bəd əsmək бахтуни тагъун, бахтуни хъелун, фелекди ччин элкъуьрун.

  Azərbaycanca-ləzgicə lüğəti / ruzigar

ruzigar sözünün türk dilinə tərcüməsi

• 1 rüzgar

  Azərbaycanca-türkcə lüğət / ruzigar

ruzigar sözü azərbaycan dilinin lüğətlərində