Sapropelitlər
Sapropelitlər - əsasən ibtidai orqanizmlərdən, həmçinin bitki və heyvan qalıqlarından əmələ gəlmiş qazıntı kömür qruplarından biri. Üzvi materialın tərkibi və çürümə prosesinin xüsusiyyətinə görə bilavasitə sapropelit, sapropelit-humit və humit-sapropelitlər (kasyanit-boqhedlər, kennel-boqhedlər, çeremxitlər) qazıntı kömür siniflərə ayrılır (Ginzburq, 1962). Hummolitlərə nisbətən bütün qazıntı sapropelitlər növləri ilkin qatran və uçucu maddələrin zənginliyi, hidrogenin yüksək miqdarı və yüksək yanma hərarətilə səciyyələnir. Qiymətli kimyəvi xammaldır. Hummolit qatları arasında az qalınlıqlı laycıqlar (linzalar) təşkil edir. Yalnız bəzi yataqlarda sənaye əhəmiyyətli dəstə və ya laylar əmələ gətirir. Sinonim: Sapropel kömürü.
== Mənbə ==
Geologiya terminlərinin izahlı lüğəti. Bakı: Nafta-Press. 2006.
