Şeyx Rza Taləbani
Şeyx Rza Taləbani (kürd. شێخ ڕەزای تاڵەبانی, Şex Rizaye Talebani; 1835, Kərkük – 1910, Süleymaniyyə) — kürd şairi. Taləbani şeirlərini kürd, fars və ərəb dillərində yazmışdır. Onun poeziyasının əksəriyyəti satira, kobudluq və yaradıcı təhqirlərdən ibarətdir. Şair önəmli şeirlərindən birində Baban əmirliyində uşaqlığını xatırlayır.Şair gənc yaşlarında Osmanlının paytaxtı Konstantinopola getmiş və səyahəti zamanı kürd sufisi Şeyx Nurrədin Brifkaninin məzarını ziyarət etmişdir. O, qəbir başında farsca uzun bir şeir oxumuş, Şəhrizor əmirliyindən "Rom ölkəsi"ni ziyarət etmək üçün etdiyi səyahətdən bəhs etmişdir. 1879-cu ildə Osmanlı imperiyası Şəhrizor vilayətini Mosul vilayətinə birləşdirəndə Rza türkcə şeir oxumuş və kədərini ifadə etmişdir.
