Tbiliso (dəqiqləşdirmə)
Tbiliso (mahnı) — məşhur gürcü mahnısı.
Tbiliso (film, 2014) — Azərbaycan qısametrajlı filmi.
Tbiliso (mahnı)
"Tbilisi haqqında mahnı" (gürc. სიმღერა თბილისზე), eləcə də "Tbiliso" (gürc. თბილისო) adı ilə tanınır — ən məşhur gürcü mahnılarından biri, Tbilisinin himni. Ən məşhur ifaçısı müğənni Nani Breqvadzedir.
== Tarixi ==
Melodiya Revaz Lagidze tərəfindən 1959-cu ildə ekranlara çıxmış film üçün Pyotr Qruzinskinin sözlərinə bəstələnmişdir. Film Tbilisi şəhərinin 1500 illiyinə həsr olunmuşdur. "Tbiliso" ifadəsi "Tbilisi" sözünün çağırış formasında səslənməsidir. Şəhərə müraciət mənasını əks etdirir.
1974-cü ildə "Melodiya" ümumittifaq qramyazılış müəssisəsi "Orera" gürcü vokal-instrumental ansamblının kompozisiyalarından ibarət iki böyük disk istehsal etdi. Digər ifaların arasında "Tbiliso" mahnını dərhal ümumittifaq şöhrəti əldə etdi.
Tbilisoba
Tbilisoba (gürc. თბილისობა) — Gürcüstanın paytaxtı Tbilisinin müxtəlifliyini və tarixini qeyd edən bir bayramdır.
== Haqqında ==
Tbilisoba bayramı hər ilin Oktyabr ayının son həftəsində qeyd edilir. Tbilisoba, ilk dəfə 1979-cu ilin Oktyabr ayının 28-də təşkil edilmişdir. Bu bayram, həmən o gündən bəri (1990-cı illərin əvvələrindən başqa) hər il qeyd edilir. Tbilisoba, yaxın vaxtlarda bəzi post-sovet ölkələrində də qeyd edilmişdir. Tbilisoba 2016-cı ilin Oktyabr ayında Rusiyanın paytaxtı olan Moskva şəhərində qeyd edilmişdir. Bayram, ənənəvi musiqili rəqsi, açıq hava konsertlərini və şəhərin tarixi hissəsini təşkil edən Köhnə Tbilisi-dən gələn müxtəlif mədəni fəaliyyətləri təqdim edir. Şəhərin keçmişini və bu gününü qeyd etməkdən başqa, Gürcüstanın dörd bir tərəfindən insanlar Rtveli (gürc. რთველი) bayramında öz regionlarını təmsil edirlər.
