Testosefilozey
Testosefilozey (lat. Testaceafilosea) — İbtidailərin Filozey amöblər sinfinə daxil olan yarımfəsilədir.
== Ümumi məlumat ==
Çanaqlarının sabit forması var. Daha çox zülal təbiətli lövhəciklərlə və ya ekzogen hissəciklərlə örtülür. Psevdopodiyaları sapşəkillidir, bəzən şaxələnir. Bölünməsi aqamdır. Əksər hallarda xırda su orqanizmləridir, ancaq torpaqda və döşənəcəkdə də aşkar edilir.
== Ədəbiyyat ==
Azərbaycanın heyvanlar aləmi. I cild. Bakı, Elm, 2002, 268 s.
Testosteron
Testosteron — androgen qrupundan olan steroid hormonu.
Məməlilərdə testosteron ilkin olaraq, erkəklərdə xayalarda, dişilərdə yumurtalıqlarda, həm kişilərdə, həm də qadınlarda çox az miqdarda böyrəküstü vəzlərindən ifraz olunur. Erkək cinsiyyət hormonudur.
Sağlamlıq, enerji, libido, immun sistemi ilə və osteoparoz ilə yaxından bağlıdır. Yetkin kişinin qanındakı miqdarı yetkin qadındakinin 40-60 qatı qədər ola bilər. Ancaq qadınlar davranış baxımından (anatomik və ya bioloji baxımdan deyil) bu hormona qarşı çox daha həssas olurlar.Kişilərdə saçların tökülməsinə səbəb ola bilər.
Qadınlarda eritrositlərin sayısının kişilərə nisbətən daha aşağı olmasının səbəblərindən biri də
testosteronun miqdarıdır.
== Xaricdən testosteron hormonunun qəbulu ==
Bəzi idmaçıların, xüsusilə də bodibilderlərin testosteronu xarici dopinq maddəsi kimi istifadə etdikləri məlumdur. Bunun səbəbi testosteronun əzələləri daha tez inkişaf etdirməsi və ya idmançının normal üsullarla əldə edə bilməyəci gücə çatmasına olan inancdır.
=== Dopinq olaraq testosteron istifadəsinin əks təsirləri ===
Qaraciyər və böyrəklərdə şişin yaranması;
Ürək əzələlərinin zədələnməsi;
Ürək ritmlərinin pozulması;
Ateroskleroz;
Xolesterol sisteminin pozulması;
Çizgili əzələ hüceyrələrinin böyüməsinə səbəb ola bilər;
Saç tökülməsi;
Sonsuzluq;
Aqqresiv davranışın ayaranması.
