Təxəllüsü "Mixaylo" (film, 2008)
Təxəllüsü Mixaylo — "Salnamə" sənədli filmlər studiyası tərəfindən istehsal olunan rejissor Tahir Əliyevin eyni adlı filmi.
== Məzmun ==
Film Sovet İttifaqı Qəhrəmanı Mehdi Hüseynzadənin həyatı ilə bağlı faktlardan və əvvəllər məlum olmayan hadisələr əsasında qurulmuşdur. Filmdə qəhrəmanın keçdiyi şərəfli döyüş yolu bir daha vərəqlənir.
== Film haqqında ==
Film Mehdi Hüseynzadənin 90 illiyinə həsr edilib.
Mehdinin 10 nəfərə yaxın partizan yoldaşı lentə alınıb. Mehdinin Sloveniyada partizan hərəkatında iştirak etdiyi vaxt sevdiyi qız Anjelika indi də sağdır. Sloveniyalı bu qızın əsl adı Anjelidir. O, filmdə ilk dəfə Azərbaycan tamaşaçısına təqdim olunur.
Çəkilişlər üç aya yaxın müddətdə davam edib.
2010-cu ildə film Sloveniyada nümayiş etdirilib.
