VikiSəyahət
Vikisəyahət (ing. Wikivoyage) — açıq çoxdilli layihə olub turizmin inkişafı üçün nəzərdə tutulmuşdur. 2012-ci ilin noyabr ayından Vikimedia Fondunun layihəsi olmuşdur. Layihədə ölkələrin təbiəti, turizm və istirahət mərkəzləri, otel və restoranlar haqqında məlumat verilir.
Layihə 15 yanvar 2013-cü ildən rəsmi olaraq Fondun 12-ci layihəsi sayılır.
Vikisitat
Vikisitat (Wikiquote) — Aforizmlər, məşhur adamların söylədikləri, atalar sözləri, qanadlı, mnemonik ifadələr və devizlər saxlanan kataloqdur. Burada mənbəyi göstərilmiş sitatları müəllifin icazəsi olmadan istifadə etmək mümkündür. Həmin adamlar tanınmış şəxslər olduqda, onların məqalələrindən Vikipediyadakı eyni adlı məqalələrə keçid verilir.
Layihə 2003-cü ilin iyul ayında yaradılmışdır. İndiyə kimi 40 dildə fəaliyyət göstərir. 60 mindən artıq məqalə yerləşdirilmişdir. İngilis bölməsində məqalələrin sayı 10 minə yaxındır.
