yamacın sözü azərbaycan dilində

Yamacın dabanı – (rus. подошва склона, ing. foot of slope, toe of slope) dağın ətəyi, dar keçid zolağı olub, planda dağlıq qurşağı və onun sərt yamaclarını sərhədləndirən düz və maili səth.

Yamacın dikliyi – (rus. крутизна склона, ing. steepness of slope) Yamacın dikliyiüfqi səthlə yamac səthi arasında bucaq /diklik/. Yamacın dikliyi adətən dərəcə ilə ifadə olunur və onun təyin olun­ması üçün topoqrafik xəritələrdə horizontalların yerləşmə şkalasın­dan istifadə olunur.

Yamacın hamar­lan­ması – (rus. выполаживание скло­нов, ing. downwearing of slopes, flattening of slopes) denudasiya bazisinin sabit vəziyyətində denudasiya proseslərinin təsiri altında yamac­ların alçalması və yastılanması /hamarlanması/.

Yamacın profili – (rus. профиль склона, ing. profile of slope) köndələn kəsilişdə yamacın forması (düşmə xətti üzrə). Bu əsas etibarilə dərinlik eroziyası və denudasiyanın münasibətindən, sü­xur­ların yatımından və xüsusiy­yətlərindən, iqlim şəraitindən, ya­macın səmtindən, bitki örtüyündən asılı olur. Yamacın profili düz, əyri, qabarıq, pilləli və mürəkkəb ola bilər.