Əlləzoğlu sözü azərbaycan dilində

Eyvaz Əlləzoğlu (Həsənov Eyvaz Əlləz oğlu; 1956, Muğanlı[d], Qardabani rayonu – 26 fevral 2011) — Azərbaycan yazıçısı. == Həyatı == Eyvaz Əlləzoğlu 1956-cı ildə Gürcüstan Respublikasının Qardabani (tarixi adı Qarayazı) rayonunun Muğanlı kəndində anadan olmuş, Tbilisi Pedaqoji İnistitutunun filologiya fakültəsini bitirmişdir. 1980-ci ildən dövrü mətbuatda hekayələri və publisisstik yazıları ilə çıxış edir. 26 fevral 2011-ci ildə vəfat edib. == Fəaliyyəti == Ali təhsilini başa vurduqdan sonra Kosalı kənd orta məktəbində gürcü dili müəllimi, "Samqor" qəzetində korrektor kimi fəaliyyət göstərmiş, "Gürcüstan", "Borçalının səsi", "Ekspress" və "Xəzər" mətbu orqanlarında əməkdaşlıq etmişdir. Publisistik fəaliyyəti dönəmində "Olaylar", "Borçalının səsi", "Ekspress" və digər qəzetlərlə Gürcüstanın siyasi həyatı ilə bağlı analtik yazılar yazmışdır. 1993-1996-cı illər ərzində Prezident Aparatının Milli Siyasət şöbəsində məsləhətçi, 1996-1998-ci illərdə Azərbaycan Respublikasının Gürcüstandakı Səfirliyində ikinci katib kimi fəaliyyət göstərmişdir. Ssenarisi əsasında "Ov" cizgi filmi ekranlaşdırılmışdır. Gürcü dilindən Qoderzi Çoxelinin, Revaz İnanişvilinin, Naira Gelaşvilinin və digər müasir gürcü yazıçılarının əsərlərini dilimizə çevirmişdir. "Əli və Nino" kitab mağazasının təşkil etdiyi Milli Kitab Mükafatında xüsusi mükafatla təltif olunmuşdur.

İlqar Hacıyev (İlqar Əlləz oğlu Hacıyev) — iş adamı, iqtisadçı, "Şərəf" ordeni laureatı, Polad Bülbüloğlunun keçmiş müşaviri, "Rusiyada biznesin şəffaflığı və korporativ reydlərə qarşı Mübarizə Mərkəzi"nin təsisçisi. == Həyatı == İlqar Hacıyev 3 iyul 1973-cü ildə Ermənistanın Stepanavan rayonunun Kirov kəndində anadan olub. On yeddi yaşında məktəbi bitirəndən sonra o, bizneslə məşğul olub. İxtisasca iqtisadçıdır. İlqar Hacıyev Rusiyanın Dağıstan Dövlət Universitetinin məzunudur. 2019-cu ilə qədər İlqar Hacıyev Azərbaycanın Rusiyadakı səfiri Polad Bülbüloğlunun müşaviri vəzifəsində çalışıb. 2019-cu ilin yanvarında Londonda İlqar Hacıyev "Rusiyada biznesin şəffaflığı və korporativ reydlərə qarşı Mübarizə Mərkəzi"ni təsis edib. === Ailəsi === Hazırda İsveçrədə yaşayır. Ailəlidir, altı övladı var. == Fəalyyəti == === Əmək fəaliyyəti === 2005-2009-cu illər ərzində Azərbaycanda fəaliyyət göstərən və qısa müddətdən sonra Qazaxıstan, Özbəkistan, Ukrayna, Gürcüstan, Türkiyə, Əfqanıstan kimi ölkələrdə də beynəlxalq əhəmiyyətli infrastruktur layihələri yerinə yetirən "Akkord Sənaye Tikinti İnvestisiya Korporasiyası" ASC-nin rəhbəri olub.