İnsan penisinin uzunluğu
İnsan penisinin uzunluğu, penis uzunluğu, penis ölçüsü və ya penis boyu — penisin tam ereksiya formasında olduğu zaman penisin arxa tərəfindən həyata keçirilən ölçü ilə müəyyən edilən, penis başının ucu ilə onun xaya dərisi ilə birləşdiyi yuxarı hissəsi arasındakı məsafə.Cinsi əlaqə zamanı funksional olan uzunluqdur.
== Yetkin insanlarda normal penis ölçüsü ==
Doğuş zamanı penis müəyyən bir uzunluğa malik olur. Yeniyetməlik dövründə uzunluqda müəyyən bir artım görünməyə başlayır. Yeniyetməlik dövrünün sonu ilə penis son uzunluğuna çatır.Cinsi fəaliyyət üzrə Avropa İttifaqı tərəfindən qəbul edilmiş qaydaya əsasən ereksiya vəziyyətində olmayan cinsiyyət orqanının uzunluğunun 7 sm və ya daha çox olması normaldır.
== Qısa və uzun penis ==
Mövzu tibbi baxımdan pediatrik endokrinologiya, urologiya, uşaq cərrahiyyəsi və plastik, rekonstruktiv və estetik cərrahiyyə kimi tibb sahələrinin tədqiqat mövzusudur.Qeydə alınmış problemlərin çoxusu qısa penis uzunluğuna malik olan xəstələrin şikayətlərindən ibarətdir. Əsas məqsəd xəstələrin penis uzunluğunu cinsi əlaqə üçün kifayət edəcək qədər uzunluğa çatdırmaqdır.Penis qısalığının əsas səbəblərini tədqiq edərək öyrənmək yanaşmanın əsas prinsiplərindən biridir.
== Penis ölçüsü və cinsi əlaqə ==
Normal cinsi əlaqə üçün ilkin şərtlərdən biri də cinsiyyət orqanının kifayət qədər uzunluqda olmasıdır. Qısa penisin cinsi əlaqəyə icazə vermədiyi düşünülür. Uzun penis isə öz növbəsində cinsi əlaqənin rahatlığını poza bilər.Yetkin kişilərdə cinsi əlaqəyə icazə verən penis uzunluğu (ereksiya halında olarkən) 9,5 sm-dən çox olmalıdır.
