Qvinn Şotvell
Qvinn Şotvell (ing. Gwynne Shotwell; qızlıq soyadı: Rovli) 23 noyabr 1963) — Amerikalı iş qadını və mühəndis. O, ABŞ komsik şirkəti SpaceX-in prezidenti və baş əməliyyat direktorudur. Burada günədlik əməliyyatlar və şirkətin inkişafından cavabdehdir.Şotvell 2020-ci ildə Forbes tərəfindən dünyanın ən güclü qadınları siyahısına 49-cu qadın olaraq alınmışdır. 2020-ci ildə isə Time tərəfindən dünyanın 100 ən nüfuzlu insanı siyahısına daxil edilmişdir.
== Həyatı ==
Şotvelll İllinoys ştatının Evnaston şəhərində anadan olub Libertivill şəhərində böyümüşdür. 1982-ci ildə Libertivill tam orta məktəbindən məzun olmuşdur. 1969-cu ildə ailəsi ilə birlikdə Apollon 11 missiyasına televiziyada baxarkən bunun elə də maraqlı olmadığını və həmin vaxtlarda kosmosla maraqlanmadığını demişdir. Şotvell sinifdə həm dərslər, həm də atletika sahəsində fərqlənirdi. Anası onu İllinoys Texnologiya Universitetinə aparanda burada gördükləri kosmosa və texnologiyaya olan marağına ciddi təsir göstərdi və Şotvell mühəndis olmağa qərar verdi.
