Bakı, mən səni sevirəm (film, 2015)
Bakı, mən səni sevirəm kinoalmanaxı 2015-ci ildə ekranlaşdırılmışdır. Heydər Əliyev Fondunun dəstəyi ilə "Mosfilm" kinokonsernində istehsal edilmişdir. Kinoalmanaxa 10 qısametrajlı film daxildir: "Aziya", "Görüş", "Rəssam", "Həyət", "Bəhram Gur", "Lotereya bileti", "Xəzər Atlantidası", "Sevgi haqqında", "Aysel" və "Təsadüf". Layihədəki hər bir ekran əsəri Bakının həyatından müxtəlif anları özündə əks etdirir. Əsas rolları Aziya Arcenti, Corc Qafarov, İlahə Həsənova, Vyaçeslav Razbeqayev, Tural Vaqifoğlu, Kamran Ağabalayev, Alessandro Bertoluççi, Eyşan Özhim, Cavanşir Hadıyev, Fuad Osmanov, Rasim Cəfər, Solmaz Süleymanlı, Ramil Əzimov, Şəbnur Qayıbova, Günel Məmmədova, Elşən Cəbrayılov, Aqniya Ditkovskite, Vadim Tsallati, Zemfira Sadıqova və Fərhad İsrafilov ifa edirlər.
== Məzmun ==
Layihədəki hər bir ekran əsəri Bakının həyatından müxtəlif anları özündə əks etdirir. Qısametrajlı filmlər insanlar arasında münasibətləri, onların sevgi və həsrətlərini, şad və qəmli anlarını canlandırır. Bu insanları, münasibətləri, həyatın müxtəlif anlarını birləşdirən baş qəhrəman isə Bakı şəhəridir.
Paris, mən səni sevirəm (film, 2006)
Paris, mən səni sevirəm — 2006-cı ildə istehsal olunmuş Fransız filmidir. Film 22 rejissor tərəfindən çəkilmiş və 18 epizoddan ibarətdir.
== İstinadlar ==
== Xarici keçidlər ==
Paris, mən səni sevirəm — Internet Movie Database saytında.
P.S. Mən səni sevirəm (film, 2007)
P.S Mən Səni sevirəm 2007-ci ildə Riçhard LaGravenes tərəfindən çəkilmiş Amerika dram filmidir. Ssenari müəllifləri isə Riçhard LaGravenes və Steven Rogersdir. Filmin ssenarisi Seselia Ahemin 2004-cü ildə qələmə aldığı eyni adlı romana əsaslanır. Film produser Molli Smitin bacısı Vindland Smitin xatirəsinə həsr olunub.
== Süjet xətti ==
Holli və Gerri Manhattanın şərqində yaşayan evli cütlükdür. Onlar bir-birini çox sevirlər, lakin gözlənilmədən Gerri beyin xərçəngindən vəfat edir. Holli həyat yoldaşının onun üçün nə qədər önəmli insane olduğunun fərqinə varır.
Holli güclü stress keçirir, ailəsindən və dostlarından uzaqlaşır. Otuzuncu yaş günü ailəsi və dostları ona gələcəyi görmək, həyata sarılmaq və gələcəklə bağlı seçimlər etməsi üçün bu gənc dul qadını həvəsləndirmək qərarına gəlirlər. onlar Hollinin mənzilinə gəlir, evi bəzəyir onun üçün tort hazırlayırlar.
