Azerithonica hyrcanica
Azerithonica hyrcanica — növ Çala hörümçəkləri fəsiləsinə, Azerithonica cinsinə aiddir. Azərbaycanın endemik canlısıdır.
== Məlumat ==
Kiçik ölçüyə malik hörümçəkdir. Erkəklərin ölçüsü 4,5 mm, dişilərdə isə 4,6 mm olur. Baş-gövdə nahiyəsinin uzunluğu erkəklərdə 2,38 mm, dişilərdə isə 2,2 mm təşkil edir. Eni isə erkəklərdə 1,95 mm, dişilərdə isə 1,7 mm-dir. Sinəsi sarıdır və boz naxışı vardır. Azerithonica hyrcanica növü ilk dəfə 2005-ci ildə Arаxnоlоq Elçin Hüseynov (Elchin F. Guseinov, Zoologiya İnstitutu AMEA, Bakı, Azərbaycan), Yuri М. Marusik (Институт биологических проблем Севера ДВО РАН, Maqadan, Rusiya) və Seppo Kоpоnеn (Seppo Koponen, Zoological Museum, University of Turku, Turku, Finlandiya) tərəflərindən A. caucasica, A. dunini və A. levyi Guseinov, Marusik & Koponen, 2005 növləri ilə birlikdə aşkarlanmışdır.
Azerithonica hyrcanica növü Azerithonica cinsinə daxil edilmişdir. A. hyrcanica adı hörümçəyin aşkarlandığı Hirkan meşəsinin adından götürülmüşdür.
