Nino Burcanadze
Nino Burcanadze (16 iyul 1964, Kutaisi) — Gürcü siyasətçisi və dövlət xadimi.
== Həyatı ==
Nino Burcanadze 1964-cü il də Kutaisidə doğulub.
O, Tbilisi Dövlət Universitetinin (TDU-nun) Hüquq Fakültəsini 1986-cı ildə bitirib və daha sonra 1990-cı ildə Beynəlxalq Hüquqda doktorantura ilə bitirdiyi Moskva Dövlət Universitetində təhsil alıb. 1991-ci ildə o, Tiflis Dövlət Universitetinin Beynəlxalq Hüquq Fakültəsinin dosenti olub. Eyni zamanda, o, Gürcüstan Parlamenti və Ətraf Mühitin Mühafizəsi və Təbii Ehtiyatlar Nazirliyi üçün beynəlxalq hüquq üzrə ekspert-məsləhətçisi kimi çalışıb.
Ramazan Burcayev
Burcayev Ramazan Hacı oğlu — Hərbi Məhkəmələrin İşləri Üzrə Məhkəmə Kollegiyasının sədri.
== Həyatı ==
15 avqust 1940-cı ildə Zaqatala rayonunun Mazıx kəndində anadan olub. Bakı Dövlət Universitetini bitirib. 1971-1972-ci illərdə təyinatla Azərbaycan SSR-nin Ədliyyə Nazirliyinin Məhkəmə Orqanları İdarəsində hakim-stajor.
O, uzun müddət Azərbaycanın məhkəmə-hüquq sistemində işləyib, 1972-1976-cı illərdə Balakən Rayon Xalq hakimi, 1976-1987-ci illərdə Ağdam Rayon Xalq Məhkəməsinin sədri, 1987-2000-ci illərdə Azərbaycan Respublikası Ali Məhkəməsinin hakimi, 1995 – 1998-ci illərdə Azərbaycan Respublikası Mərkəzi Seçki Komissiyasının üzvü, 2000 – 2007-ci illərdə Azərbaycan Respublikası Ali Məhkəməsinin sədrinin müavini, Hərbi Məhkəmələrin İşləri Üzrə Məhkəmə Kollegiyasının sədri, 16.07.2007-2010-cu illərdə isə Şəki Apelyasiya Məhkəməsinin sədri vəzifələrində çalışıb.
R.Burcayev 2010-cu ilin sonunda təqaüdə çıxıb.
10 dekabr 2012-ci ildə vəfat edib.
Ailəli idi.
