dirilik sözü azərbaycan dilində

dirilik sözünün leksik mənası və izahı

• 1 is. 1. Diri, canlı cismin halı, diri halda olma; sağlıq. Ölü öldü, diriyə dirilik gərək. (Ata. sözü). // Varlıq, mövcudluq, var olma, mövcud olma. [Qədir:] Mən yekəlikdə adamın diriliyini danırlar. Mir Cəlal. 2. Həyat, yaşayış, güzəran. [Səfdərqulu:] …Allah kəssin belə diriliyi, belə günü! N.Vəzirov. Şəhərin gurultulu yaşayışından sonra kəndə məxsus asudə, səssiz bir diriliyə adət eləmədiyimdən bir növ darıxırdım. T.Ş.Simurq. □ Dirilik etmək – yaşamaq, həyat sürmək. Əziz balalar!… Bütün mikroblar havada, yerdə və suda dirilik edirlər. N.Nərimanov. Dirilik suyu (çeşməsi, bulağı) şair. – bax abi-həyat (“ab”da). Dirilik suyu harda idi ki, Xızr içəydi, diri qalaydı. M.F.Axundzadə. Sənin gözlərinmi gənclik bağında; Yoxsa nərgizlərin sayrışıb oynar; Yoxsa çıxılmayan eşqin dağında; Ömrünün dirilik çeşməsi oynar. M.Müşfiq. Gözəl həyat, gözəl günə; Taleyini qurtarana Xızır dedi; Çox aradı diriliyin bulağını. R.Rza. Dirilik vermək – həyat vermək, ruh vermək, yaşatmaq, can vermək. Hər bir şeyə dirilik və zinət verən məhəbbətdir. F.Köçərli. 3. məc. Var-yox, həyat mənbəyi. Onun diriliyi yalnız iki öküz və bir parça əkin yerindən ibarət olduğundan o, rəncbərlik etməyə məcbur olurdu. A.Şaiq. 4. məc. Canlılıq, coşqunluq, həyat əlaməti. Budəfəki səsində bir dirilik, bir ümid əsəri vardı. A.Şaiq. Mən bu qadını bir az tanıyırdım. …Yanaqlarında … bir qırmızılıq, gözlərində bir dirilik mövcud idi. S.Hüseyn. 5. Sərtlik, codluq. Düyünün diriliyi.

  Azərbaycan dilinin izahlı lüğəti / dirilik

dirilik sözünün sinonimləri (yaxın mənalı sözlər)

• 1 varlıq — həyat — yaşayış — güzəran

  Azərbaycan dilinin sinonimlər lüğəti / dirilik

• 2 var-yox

  Azərbaycan dilinin sinonimlər lüğəti / dirilik

• 3 canlılıq — coşğunluq

  Azərbaycan dilinin sinonimlər lüğəti / dirilik

• 4 sağlıq

  Azərbaycan dilinin sinonimlər lüğəti / dirilik

• 5 dirilik bax 1. varlıq 1; 2. yaşayış 1

  Azərbaycan dilinin sinonimlər lüğəti / dirilik

dirilik sözünün antonimləri (əks mənalı sözlər)

• 1 DİRİLİK – YOXLUQ Bir söz ki bir cavanın diriliyinə səbəb olacaq, onu demək günahdır (Ə.Haqverdiyev); Qaynım həmişəki kimi indi də Midhədin yoxluğunu mənə hiss etdirməyə çalışırdı (M.Hüseyn).

  Azərbaycan dilinin antonimlər lüğəti / dirilik

dirilik sözünün rus dilinə tərcüməsi

• 1 жизнь, существование, бытие

  Azərbaycanca-rusca lüğət / dirilik

• 2 сущ. 1. состояние живого, обладающего жизнью 2. перен. живость, подвижность, проворность ◊ dirilik vermək nəyə дать жизнь ч ему; dirilik suyu живая вода

  Azərbaycanca-rusca lüğət / dirilik

dirilik sözünün inglis dilinə tərcüməsi

• 1 I. i. 1. being alive; vitality; 2. liveliness, vivacity II. s. ~ suyu ≅ water of life

  Azərbaycanca-ingiliscə lüğət / dirilik

dirilik sözünün fransız dilinə tərcüməsi

• 1 is. vivacité f, agilité f, adresse f, promptitude f, dextérité f

  Azərbaycanca-fransızca lüğət / dirilik

dirilik sözünün ləzgi dilinə tərcüməsi

• 1 сущ. 1. диривал, дири (ччан алай) затӀунин (касдин) гьал, ччан алаз хьун; сагъвал; // хьунухь, аваз хьунухь; 2. яшайиш, уьмуьр, авай югъ (гьал); dirilik etmək яшамиш хьун, уьмуьр гьалун; 3. пер. яшамиш хьун патал авай-авачирди; 4. пер. диривал, яшайишдин лишан; 5. кӀевивал, векъивал (мес. дуьгуьдин).

  Azərbaycanca-ləzgicə lüğəti / dirilik

dirilik sözü azərbaycan dilinin lüğətlərində