Hökumətdə süni intellekt
Hökumətdə süni intellekt — süni intellektin (Sİ) hökumətdə bir çox sahədə istifadəsini əhatə edən ifadə. Bu, dövlət siyasəti hədəflərinə çatmaq (təcili yardım xidmətləri, səhiyyə və rifah kimi sahələrdə), eləcə də ictimaiyyətə hökumətlə qarşılıqlı əlaqədə kömək etmək üçün istifadə edilir. "Harvard Business Review"a görə, "bütün dünyada aparılan ilkin təcrübələrlə süni intellektin dövlət sektoruna tətbiqi genişlənir və böyüyür". Harvard Universitetinin Eş Demokratik İdarəetmə və İnnovasiya Mərkəzindən Hila Mehr qeyd etmişdir ki, hökumətdə süni intellekt yeni deyil, poçt xidmətləri 1990-cı illərin sonlarında məktubları avtomatik yönləndirmək məqsədilə zərflərdəki əlyazmanı tanımaq üçün maşın üsullarından istifadə edir. Hökumətdə süni intellektdən istifadə əhəmiyyətli faydalar, o cümlədən xərclərə qənaət (məsələn, ofis işçilərinin sayını azaltmaqla) və korrupsiya imkanlarının azaldılması ilə nəticələnən səmərəlilik gətirir.
== Hökumətdə istifadəsi ==
Hökumətdə süni intellektdən istifadə imkanları geniş və müxtəlifdir. "Deloitte" hesab edir ki, "İdrak texnologiyaları nəhayət hökumət əməliyyatlarının hər bir aspektində inqilab edə bilər".
Mehr qeyd etmişdir ki, "Dövlət işində süni intellekt tətbiqləri özəl sektorda süni intellektin sürətlə genişlənməsi ilə ayaqlaşmasa da, dövlət sektorundakı potensial istifadə halları özəl sektordakı ümumi tətbiqləri əks etdirir".
Süni intellektin dövlət siyasətinin məqsədlərinə töhfə verə biləcəyi bir sıra nümunələr var. Bunlara daxildir:
İş yerini itirdikdə, təqaüdə çıxdıqda, ailəni itirdikdə və uşaq doğulduqda müavinətlərin demək olar ki, dərhal, avtomatlaşdırılmış şəkildə alınması (beləliklə, bunun vətəndaşlardan heç bir hərəkət tələb etmədən həyata keçirilməsi)
Sosial sığorta xidmətlərinin göstərilməsi
Təcili çağırışların təcililiyinə görə təsnifləşdirilməsi
Xəstəliklərin aşkarlanması və yayılmasının qarşısının alınması
Dövlət qulluqçularına sosial ödənişlərin və immiqrasiya qərarlarının qəbulunda köməklik göstərilməsi
Girovla bağlı dinləmələrə qərar verilməsi
Səhiyyə ilə bağlı işlərin araşdırılması
Siyasətlərə dair ictimai rəy üçün sosial medianın monitorinqi
Fövqəladə halları müəyyən etmək üçün sosial medianın monitorinqi
Saxta müavinət iddialarının müəyyən edilməsi
Cinayətin proqnozlaşdırılması və optimal polis mövcudluğunun tövsiyə edilməsi
Tıxacların və avtomobil qəzalarının proqnozlaşdırılması
Yolun təmiri tələblərinin proqnozlaşdırılması
Sağlamlıq qaydalarının pozulmasının müəyyən edilməsi
Tələbələrə fərdi təhsilin verilməsi
İmtahan sənədlərinin qiymətləndirilməsi
Müdafiə və milli təhlükəsizliyə yardım
Simptomlara əsaslanan sağlamlıq çatbotu "AI Vaid"-in diaqnozlar üçün hazırlanması
=== Digər istifadələr ===
Hökumətdə Sİ-nin digər istifadələrinə aşağıdakılar daxildir:
Tərcümə
Avropa Komissiyasının Tərcümə üzrə Baş Direktorluğu və Florika Fink-Hoyyer tərəfindən hazırlanmış sinxron tərcümə.
