hünər sözü azərbaycan dilində

hünər sözünün leksik mənası və izahı

• 1 is. [ər.] 1. Bacarıq, məharət, ustalıq, qabiliyyət, fərasət. Belə bir işi görmək üçün hünər lazımdır. – …Hamı pəhləvanlarımız öz hünərlərini çıxartdılar meydana… C.Məmmədquluzadə. Sənət bir hünərdir, bəli, bir hünər; Ayağın qoy alsın gücünü yerdən. N.Xəzri. □ Hünər etmək – 1) bax hünər göstərmək. [Qoca kəndli:] Bunun yarısını əkə bilsək, böyük hünər eləmiş olarıq. Ə.Haqverdiyev; 2) cəsarət etmək, şücaət göstərmək. Hünər göstərmək – öz ustalığını, məharətini, bacarığını nümayiş etdirmək. Şiraslan belə bir iş görmək, bir hünər göstərmək istəyirdi. S.Rəhimov. Bəs Yaşar necə bir hünər göstərmişdi ki, ona bu cür ad qoymuşdular? M.Rzaquluzadə. …hünəri deyil – bacarmaz, edə bilməz, əlindən gəlməz. Gilavarın xətir-hörmət nəzərə almadığı belə bir zamanında … hətta … daldalarda gəzmək hər oğulun hünəri deyildi. B.Bayramov. 2. Çətin şəraitdə mühüm bir işi, tədbiri, tapşırığı həyata keçirmək üçün rəşadət, şücaət, qoçaqlıq, fədakarlıq. – [Koroğlu:] Aləmə bəlli hünərim; Çənlibeldə dəlilərim; Mərd igidə peşkəş sərim; Qaçırtmaz meydandan məni. “Koroğlu”. Nə zaman ki, uçan bir qız seyrə çıxar göyləri; Ağızlardanağızlara gəzər onun hünəri. S.Vurğun. □ Hünər göstərmək – qəhrəmanlıq etmək, qoçaqlıq, igidlik göstərmək. Qolac qollarımı gərrəm; Meydanda hünər göstərrəm. “Koroğlu”. Oğlum bu gün cəbhədədir, nərə çəkir bir nər kimi; Mənim gənclik illərimdə göstərdiyim hünər kimi. S.Vurğun. 3. klas. Sənətkarlıq, ustadlıq, istedad. Hünər sahibi. – Alimin ki özündə yoxdur hünər; Eləməz bir kəsə kəlamı əsər. S.Ə.Şirvani. Ustadın işin, işlədiyin xam nə bilsin? Elmin, hünərin qiymətin islam nə bilsin? M.Ə.Sabir.

  Azərbaycan dilinin izahlı lüğəti / hünər

hünər sözünün sinonimləri (yaxın mənalı sözlər)

• 1 qoçaqlıq — cürət — cəsarət — cəsurluq — mərdlik — igidlik — ciyərlilik — ürəklilik

  Azərbaycan dilinin sinonimlər lüğəti / hünər

• 2 bacarıq — qabiliyyət — məharət — ustalıq

  Azərbaycan dilinin sinonimlər lüğəti / hünər

• 3 HÜNƏR, RƏŞADƏT Səadət, azadlıq, rəşadət, hünər; Bunlarla bərabər bəxtiyar bəşər (M.Rahim); BACARIQ [Ayxanım:] Heyifsən, görkəmin, bacarığın, qabiliyyətin var, amma iradən, ağlın... (M.İbrahimov); KİŞİLİK Fərhad: Hər kəsdə azərbaycanlı qanı varsa, bu gecə kişilik gösterməlidir (Ə.Vəliyev); MƏHARƏT Xüsusən cavanlar, həddi-büluğa, ərgənliyə çatmayanlar da öz məharətlərini göstərməyə müvafiq dövr yay mövsümünü hesab edirlər (B.Bayramov); ŞÜCAƏT, CƏSARƏT Vəzir: Harun şücaət və cəsarətdə ad qazanmış bir pəhləvandır (Ü.Hacıbəyov).

  Azərbaycan dilinin sinonimlər lüğəti / hünər

hünər sözünün rus dilinə tərcüməsi

• 1 1. умение, искусство, дарование, мастерство; 2. подвиг, отвага, смелость, храбрость, удальство, героизм;

  Azərbaycanca-rusca lüğət / hünər

• 2 сущ. 1. разг. умение, ловкость, бойкость. Belə bir işi görmək üçün hünər lazımdır для выполнения такой работы нужна ловкость 2. подвиг: 1) героический, самоотверженный поступок, совершенный в трудных условиях. Vətənpərvərlik hünəri патриотический подвиг, qəhrəmanlıq hünəri героический подвиг, vətəndaşlıq hünəri гражданский подвиг; hünər göstərmək совершить подвиг 2) самоотверженный, тяжёлый труд; важное дело, начинание. Əmək hünəri трудовой подвиг, ədəbi hünər литературный подвиг, tarixi hünər исторический подвиг ◊ hünəri deyil kimin крылья коротки, гайка слаба у кого; hünərin varsa qabağında дур если на себя надеешься, держись; hünəri çatmır kimin духу не хватает у кого (сделать или сказать что-л.); hünərin var tap ищи ветра в поле, попробуй найди

  Azərbaycanca-rusca lüğət / hünər

hünər sözünün inglis dilinə tərcüməsi

• 1 i. 1. courage, bravery, valour; boldness, audacity; ~ göstərmək to display / to show courage; qəhrəmanlıq ~i heroic deed; 2. ability, skill, handicraft

  Azərbaycanca-ingiliscə lüğət / hünər

hünər sözünün fransız dilinə tərcüməsi

• 1 is. exploit m, héroïsme m ; courage m ; hardiesse f, audace f ; ~ göstərmək faire preuve de courage ; habileté f

  Azərbaycanca-fransızca lüğət / hünər

hünər sözünün ləzgi dilinə tərcüməsi

• 1 [ər.] сущ. гьунар (1. алакьун, устӀарвал; hünər etmək гьунар авун а) кил. hünər göstərmək; б) жуьрэт авун, викӀегьвал авун; hünər göstərmək гьунар къалурун, вичин (жуван) устӀарвал, алакьун къалурун; 2. викӀегьвал, игитвал, кьегьалвал; hünər göstərmək гьунар къалурун, викӀегьвал къалурун, кьегьалвал авун; 3. клас. сеняткарвал, устадвал, алакьун, талант).

  Azərbaycanca-ləzgicə lüğəti / hünər

hünər sözünün türk dilinə tərcüməsi

• 1 hüner

  Azərbaycanca-türkcə lüğət / hünər

hünər sözü azərbaycan dilinin lüğətlərində