Oneqa yarımadası
Oneqa yarımadası (rus. Онежский полуостров) — Rusiyanın şimal-qərbində Arxangelsk vilayətinin Primorski və Oneqa rayonları ərazisində yerləşən yarımada.
Ağ dənizin cənubunda yerləşir. Ən ucqar şimal nöqtəsi Letnı Navolok qəsəbəsi yaxınlığında yerləşən burundur. Üstəlik burada Novoe Usole, Veynavolok, Qluboki, Kamennı, Çesmenski, Tonki, Letnı Orlov, Uxt-Navolok, Lopşenqski, Yarenqski Roq, Krasnoqorski Roq burunları vardır. Yarımadanın şimal-şərq sahili Letnı sahili, cənub-qərb sahili isə Oneqa sahili adlanır.
Yarımadanın yaxınlığında, Şərqi Soloveskaya Salma boğazında dərinlik 85 metrdir. Boğaz Soloveski adalarını Oneqa yarımadasından ayırır.
Yarımadanın səthi hamardır. Maksimal hündürlüyü 202 metrdir.