Uilyam sözü azərbaycan dilində

Samner Vilyam (ing. William Graham Sumner;d.30 oktyabr, 1840 – ö. 12 aprel, 1910) — Amerikan sosioloqu, Uel universitetinin professoru Samner Vilyam 1840-cı ilin 30 oktyabrında Amerika Birləşmiş Ştatlarının New-Cersi ştatında anadan olub . Atası Thomas Samner, 1836-cı ildə İngiltərədən ABŞ-yə gəldi və ingilis mənşəli olan Sarah Graham ilə evləndi. Samner 1863-cü ildə Uel Texnikumunda təhsilini başa çatdırdı və həmin ilin yayında Avropaya getdi. O, fransız və İvrit dillərini mənimsədi. 1866-cı ildə Samner, Uel Universitetində tələbələrin qrup lideri seçildi və həmin ilin sentyabr ayında o öz vəzifələrinə başladı. 1870 Sentyabr −1872 oktyabr tarixlərində Nyu-Cersi Saviour Kilsəsinin rektoru olmuşdur. 1872-ci ildə Uel Universitetinin Siyasi və İctimai Elmlər Professoru seçildi. Samner Vilyam 1910-cu ilin 12 aprelində Amerika Birləşmiş Ştatlarının New-Cersi ştatında vəfat etmişdir.

Uilyam Vordsvort (7 aprel 1770[…] – 23 aprel 1850[…]) — ingilis romantik şairi. Samuel Teylor Koldric ilə birlikdə "Lirik balladalar"ın (1798) birgə nəşri ilə ingilis ədəbiyyatında romantizm dövrünün başlamasında rol oynayan şəxs kimi qəbul edilir. Vordsvortun maqnum əsəri, ümumiyyətlə, erkən illərinə aid yarı avtobioqrafik bir şeir olan və bir neçə dəfə yenidən işləyib genişləndirdiyi Prelüd olaraq qəbul olunur. Ümumilikdə "Koleric üçün şeir" kimi tanınan Prelüd, ölümündən sonra həyat yoldaşı tərəfindən adlandırılmışı və nəşr olunmuşdur. Vordsvort ən çox təbiətin gözəlliyini və gücünü, insan təxəyyülünü tərənnüm edən poeziyası ilə tanınır. Ən məşhur əsərlərinə "Tintern Abbey", "The Prelude" və "Ode: Intimations of Immortality" daxildir. Poeziyasından əlavə, Vordsvort həm də tənqidçi, esseist və siyasi fəal idi. O, Samuel Taylor Koldricin yaxın dostu idi və məşhur "Lirik balladalar" şeirlər toplusunda əməkdaşlıq edirdi.

Uilyam Lipskomb (ing. William Nann Lipscomb; 9 dekabr 1919[…], Klivlend, Ohayo – 14 aprel 2011[…], Kembric, Massaçusets) – Amerika kimyaçısı, Nobel mükafatı laureatı. Əsas tədqiqatları nüvə maqnit rezonansı, nəzəri kimya, bor kimyası və biokimya üzrə olub. U. Lipskomb Ohayo ştatının Klivlend şəhərində 1919-cu ildə anadan olub. 1920-ci ildə ailəsi Kentukki ştatının Leksinqton şəhərinə köçdü, 1941-ci ildə Kentukki Universitetində kimya üzrə bakalavr dərəcəsi alana qədər burada yaşadı. 1946-cı ilə qədər Kaliforniya Texnologiya İnstitutunda kimya üzrə fəlsəfə doktoru dərəcəsi almışdır. 1946–1959-cu illərdə Minnesota Universitetində dərs demişdir. 1959–1990-cı illərdə Harvard Universitetində kimya professoru, 1990-cı ildən isə fəxri professoru olmuşdur. U. Lipskomb 1944-cü ildən 1983-cü ilə qədər Meri Adele Sargentlə evli idi. Onların üç övladı var idi, onlardan biri cəmi bir neçə saat yaşamışdı.

Uilyam Noulz — (ing. William Knowles) 1 iyun 1917 il, Taunton, Massachusetts, ABŞ — 13 iyun 2012 il, Chesterfield, Missuri, USA- amerikalı biokimyaçı, Noyori Ryodzi ilə birlikdə 2001-ci il kimya üzrə Nobel mükafatı laureatı və Barri Şarpless ilə "əczaçılıq sənayesində istifadə edilən tədqiqatlar üçün — redoks reaksiyaları üçün xiral katalizatorların yaradılması" üzrə mükafat almışdır. ABŞ Milli Elmlər Akademiyasının üzvü (2004). U. Noulz Massaçusets ştatının Şeffild şəhərindəki Berkşire məktəbində oxuyub. Tədrisdə öz sinfinə rəhbərlik edirdi və məzun olduqdan sonra Harvard Universitetinə qəbul olundu. Kollecə daxil olmaq üçün çox gənc olduğunu hiss edən Uilyam Noulz, Massaçusets ştatının Andover şəhərindəki Fillips Akademiyasında bir il keçirdi. İlin sonunda o, kimya üzrə ilk mükafatını — 50 dollarlıq Boylston Məktəb Mükafatını aldı. Bir illik hazırlıq məktəbindən sonra U. Noulz, üzvi kimyada konsentrasiya ilə kimya ixtisası üzrə təhsil aldığı Harvardda oxudu. 1939-cu ildə bakalavr dərəcəsini aldı və Kolumbiya Universitetində aspiranturaya daxil oldu. 1986-cı ildə təqaüdə çıxdıqdan sonra Uilyam Noulz Sent-Luis şəhərinin ətrafı olan Missuri ştatının Çesterfild şəhərində yaşadı.

Uilyam Mörner (24 iyun 1953) — amerikalı kimyaçı və Stenford Universitetində kimya və tətbiqi kimya professoru. Kimya üzrə fəlsəfə doktoru (Kornell Universiteti, 1982-ci il), 2014-cü ildə kimya üzrə Nobel mükafatı laureatlarından biri (flüoresan mikroskopiyasının inkişafına görə). ABŞ Milli Elmlər Akademiyasının üzvü (2007 il). == Karyerası == Uilyam Mörner Kaliforniyanın San Xose şəhərindəki IBM Almaden Tədqiqat Mərkəzində 1981-1988-ci illər arasında tədqiqatçı alim, 1988-1989-cu illər arasında menecer və 1989-1995-ci illər arasında layihə meneceri kimi fəaliyyət göstərmişdir. ETH Sürixdə Fiziki Kimya üzrə dəvətli professor kimi təyin olunduqdan sonra (1993-1994-cü illərdə), o, 1995-1998-ci illər arasında San-Dieqodakı Kaliforniya Universitetinin Kimya və Biokimya Departamentində Fiziki Kimya üzrə Fəxri Kafedrada işləmişdir. 1997-ci ildə Harvard Universitetində Robert Börns Vudvordun dəvəti ilə professor vəzifəsinə təyin edilmişdir. Onun tədqiqat qrupu 1998-ci ildə Stenford Universitetinə köçürülmüş və burada kimya professoru (1998-ci il), Harri S.Moşer professoru (2003- cü il) və Tətbiqi Fizika Professoru (2005-ci il) olmuşdur. U.Mörner 2011-2014-cü illərdə Kimya kafedrasının müdiri vəzifəsinə təyin edilib. Onun növbəti tədqiqat maraqları və tədqiqat sahələrinə aşağıdakılar daxildir: tək molekullu spektroskopiya və super rezolyusiyaya malik mikroskopiya, fiziki kimya, kimyəvi fizika, biofizika, nanohissəciklərin tutulması, nanofotonika, fotorefraksiya polimerləri və spektral dəliklərin yandırılması. 2014-cü ilin may ayına olan məlumata görə, U.Mörner Stenford magistr tələbələri tərəfindən yazılmış 26 dissertasiyanın rəhbəri kimi siyahıya alınmışdır.

Alonso Uilyam (ing. William Alonso, 29 yanvar 1933, Buenos-Ayres – 11 fevral 1999, Boston) — amerikalı iqtisadçı, Alonso modelinin müəllifi. == Həyatı == Buenos-Ayresdə anadan olub.1946-cı ildə Peron rejimi dövründə atası Harvarda təyin edilmiş aparıcı ispan filoloqu Amada Alonso ilə birlikdə ABŞ-yə köçüb. 1954-cü ildə Harvardda memarlıq üzrə bakalavr,1956-cı ildə Harvard Dövlət İdarəçilik İnstitutunda şəhərsalma üzrə magistr dərəcəsi,1960-cı ildə Pensilvaniya Universitetində region şunaslıq üzrə doktorluq dərəcəsi almışdır.1960–1961-ci illərdə Alonso İndoneziyanın Bandunq Texnologiya İnstitutunda regional və şəhərsalma kafedrasında müəllim və direktor kimi çalışıb. 1962-ci ildə Venesuela Mərkəzi Universitetində qonaq mühazirəçi kimi çalışmışdır. 1963–1965-ci illərdə Harvard Universitetində Şəhər Araşdırmaları Mərkəzinin direktoru olub. Alonso həmçinin Yale, Kaliforniya, Berkli və Stanford Universitetlərində çalışıb. 1964-cü ildə o, "Məkan və torpaqdan istifadə" kitabını nəşr etdi və burada şəhər mühitində torpaq rentasının formalaşmasına, modelləşdirilmiş yanaşmanı müəyyən etdi. Onun modeli şəhər iqtisadiyyatının sütunlarından birinə çevrildi. 1976-cı ildə Harvard Universitetində Əhali Araşdırmaları Mərkəzinin direktoru oldu.

Vilyam Adam (memar) —

Vilyam Ayton (ing. William Aiton, 1731[…], Hamilton – 2 fevral 1793, Riçmond[d], Böyük London) — şotland botaniki və bağçısı. Hortus Kewensis (3 cilddə, London, 1789) Taylor, George. Aiton, William. // Dictionary of Scientific Biography 1. New York: Charles Scribner's Sons. 1970, 88–89. ISBN 0-684-10114-9. Aiton William (1731–1793) (ing.) Dictionary of National Biography, 1885–1900, Volume 01 International Plant Name Index.

Vilyam Barton (ing. William Barton; 11 aprel 1754, ABŞ – 21 oktyabr 1817, Pensilvaniya) — amerikan botaniki, heraldikaçı. Çarls Tomsonla birlikdə ABŞ gerbinin dizayneri. Vilyam Barton 11 aprel 1754-cü ildə Filadelfiyada anadan olmuşdur. ABŞ Konqresi onu 1782-ci ildə "Böyük Amerika Milli Möhürü"nə təklif verməsi üçün seçmişdir. Beləliklə o, 13 pilləli piramidanın üstündə göz parıldayan və çevrəsinə latınca "Annuit Coeptis" (azərb. "Tanrı Başlanğıcı Dəstəkləyər"‎) ilə "Novus Ordo Seclorum" (azərb. "Yeni Dünyəvi Nizam"‎) yazılmış emblemi hazırlayaraq təhvil vermişdir. 21 oktyabr 1817-ci ildə Lankasterdə vəfat etmişdir.

Uilyam Cek Baumol (26 Fevral, 1922 – 4 May, 2017) – Amerikan iqtisadçı, fəlsəfə doktoru (1949), Prinston Universiteti və Nyu-York Universitetinin iqtisadi elmlər üzrə professoru. Uilyam Cek Baumol 26 fevral 1922-ci ildə Cənubi Bronksda anadan olmuşdur. Onun valideynlərinin hər ikisi — Solomon və Lillian Şərqi Avropa immiqrantları idi. Baumol Nyu-Yorkda Siti Kollecdə təhsil almışdır və 1942-ci ildə bakalavr dərəcəsi almışdır. Kollecdən sonra o II Dünya Müharibəsində ABŞ ordusunda xidmət etmişdir və daha sonra iqtisadçı kimi Kənd Təsərrüfatı Departamentində işləməyə başlamışdır. O, Amerika İqtisadi Assosiasiyasının prezidenti (1981), Nyu-York Universiteti nəzdində C. V. Starr Tətbiqi İqtisadiyyat Mərkəzinin direktoru (1983–2000) olmuşdur. Hazırda Berkli Sahibkarlıq və İnnovasiya Mərkəzinin akademik-direktorudur. Mikro və Makroiqtisadi proseslərin riyazi modernləşdirilməsi, rifahın iqtisadiyyatı və s. sahələrdə əsləri var. 1952-ci ildə, sonradan (1956) C. Tobin tərəfindən inkişaf etdirilmiş pula tələb modelini təklif etmişdir.

Vilyam Bleyk (ing. William Blake; 28 noyabr 1757-ci il, London — 12 avqust 1827-ci il, London) — ingilis şairi və rəssamı, mistik.

Vilyam Bləkstoun (ing. William Blackstone; 10 iyul 1723[…] – 14 fevral 1780[…]) — ingilis hüquqşünası.

Vilyam Brounker (1547-1596) — Vilyam Brounker (1620-1680) — Vilyam Brounker (riyaziyyatçı) (1620-1684) — İngilis riyaziyyatçı.

Vilyam Bruks (ing. William Brooks; d. iyul 1873, Stalibric, İngiltərə – ö. məlum deyil) — ingilis futbolçu; onun müntəzəm mövqeyi hücumçu idi. "Mançester Yunayted" və "Stalibric Rovers" komandalarında çıxış edib. Vilyam Bruks 1873-cü ilin iyul ayında İngiltərədə, Stalibricdə anadan olmuşdur. 1898–1899-cu illərdə "Nyuton-Hit" (indiki "Mançester Yunayted") komandasında 3 oyunda meydana çıxmışdır.

Vilyam Ceyms (11 yanvar 1842[…] – 26 avqust 1910[…]) — psixologiyada Funksionalizm cərəyanının Amerikalı qurucusu, praqmatizmin banisi, Amerikalı filosof və psixoloq. James və qardaşı roman yazarı, tənqidçi Henri James, zəngin və bir ailədə dünyaya gəlmişdir. Onların atası ilahiyyatçı və filosof Henri James uşaqlarının təhsilinə böyük əhəmiyyət verirdi. Nyu-York, Bulon (Fransa), Cenevrə, İngiltərə, Almaniya və İtaliyada təhsil almışdır. Atasının fəlsəfə və ilahiyyat sahəsindəki görüşləri Ceymsin tərbiyəsinə böyük təsir göstərmişdir. Atası zehni azadlığın vacibliyinə inanırdı və övladlarını buna uyğun böyüdürdü. Ceyms tənqidi yanaşmanı məhz bu tərbiyə sayəsində qazanmışdır. Atası övladlarının peşə sahibi olmaq və pul qazanmaq üçün heç bir məcburiyyətinin olmadığını düşünürdü. Buna baxmayaraq Ceymsin marağının elmə yönəlməsinə çalışırdı. Ceyms 15 yaşında olanda atası ona mikroskop hədiyyə etdi.

Vilyam Ciok (12 may 1895[…] – 28 mart 1982[…], Berkli, Kaliforniya) — kimya üzrə Nobel mükafatçısı. Amerika fiziki kimyaçısı Vilyam Frensis Ciok 1895-ci ilin mayın 12-də anadan olmuşdur (Kanadanın Niaqara-Fols şəhərində). 1920-ci ildə Berklidə Kaliforniya universitetini qurtarmışdır. 1920–1977-ci illərdə həmin universitetdə işləmiş, 1934-cü ildən professor vəzifəsində çalışmışdır. Əsas elmi işləri maddələrin, xüsusi halda olduqca aşağı temperaturlarda kondensləşmiş qazların termodinamiki xassələrinin tədqiqinə həsr olunmuşdur. 1920-ci ildə termodinamikanın üçüncü başlanğıcını təcrübi yoxlanmaq üçün tədqiqatlar aparmışdır. Öz əməkdaşı D. Mak-Duqall ilə birlikdə 1927-ci ildə 1K-dən aşağı temperatur almaq üçün adiabatik maqnitsizləşmə üsulunu və olduqca aşağı temperaturları ölçmə üsulunu yaradır. 1933-cü ildə 0,5K temperatur ala bilir. Eksperimental tədqiqatları elə temperatur intervallarında aparmışdır ki, həmin temperatur intervallarında atomların istilik hərəkətləri praktiki olaraq yoxdur. Bu da ona imkan vermişdir ki, atomların öz vəziyyətlərindəki keçidlərdə energetik dəyişmələri müəyyən edə bilsin.

Vilyam Cons ing. William Jones, 28 sentyabr 1746 – 27 aprel 1794) — Böyük Britaniya filoloqu. İki yüz il əvvəl Vilyam Cons (1746–1794) sanskrit yazıları ilə tanış olduqdan sonra yazırdı: "Sanskrit dili öz qədimliyindən asılı olmayaraq, qeyri-adi quruluşa — yunan dilindən mükəmməl, latın dilindən zəngin, ayrı-ayrılıqda hər birindən daha gözəl quruluşa malikdir, lakin bununla belə, sanskrit dili istər fel kökləri, istərsə də qrammatik formalar baxımından bu iki dilə o qədər yaxındır ki, belə yaxınlıq təsadüfün nəticəsi ola bilməzdi; bu qohumluq elə güclüdür ki, hər üç dili araşdıran filoloq mütləq bu qənaətə gəlməlidir ki, dillərin üçü də bəlkə artıq mövcud olmayan bir ümumi mənbədən doğub". Bu güman dillərin inkişafını vahid köklə bağlayan istiqamətin ilkin nümunələrindən sayıla bilər. Hind-Avropa dilçiliyinin nümayəndələri nəzərdən keçirdikləri bütün başqa dillərdə rast gəldikləri uyğun sözləri bir müddət Hind-Avropa protodilinə aid etməklə irqi üstünlük meylini nümayiş etdirmişlər. İlk dövrlərdə Hind-Avropa dil ailəsi I və II şəxs əvəzliklərinin, qohumluq bildirən və bədən üzvlərinin adlarını ifadə edən bir sıra sözlərin uyğunluğu əsasında yaradılırdı. Həm də bunu onunla əsaslandırmağa çalışırdılar ki, bu cür sözlər əsas lüğət fonduna daxil olan ən zəruri sözlərdir və bunlar — bu cür sözlər başqa dillərdən mənimsənilmir. The third anniversary discourse, on the Hindus Arxivləşdirilib 2012-08-05 at Archive.today Полный текст (ing.) Третий ежегодный доклад В. Джонса, президента Азиатского общества в Бенгалии Arxivləşdirilib 2007-09-30 at the Wayback Machine Русский перевод предыдущего.

Vilyam Dampir — ingilis dəniz səyyahı, pirat. Üç dəfə dünya səyahətinə çıxmışdır. Bir neçə il Tortyu adasında (VestHinddə) qalmış, Amerika sahillərindəki İspan şəhərlərinin və yaşayış yerlərinin qarətində iştirak etmişdi. 1678–91-ci illərdə Sakit okeanda, Cənubi Amerikanın qərb sahillərində piratçılıqla məşgul olmuşdur. 1691-ci ildə İngiltərəyə qayıtmış, 1697-ci ildə “Yeni dünya səyahəti” kitabını çap etdirmişdir.1699-cu ildə “Robak” gəmisində İngiltərədən çıxmış, Ümid burnundan keçərək,1699-cu ildə Avstraliyanın şimal qərb sahillərinə çatmış və şimala doğru hərəkət edərək özünün adlandırdığı Şark körfəzini, adalar qrupunu tədqiq etmişdir. 1703–07-ci illərdə dəniz quldurluğu ilə məşğul olmuşdur. 1704-cü ildə Dampir öz matrosu A. Selkirki kimsəsiz adaya düşürmüşdür; sonralar Daniel Defo bu matrosun timsalında Robinzon Kruzo obrazını yaratmışdır. 1707-ci ildə “Yeni Hollandiyaya səyahət” kitabını nəşr etdirmişdir. 1708–11-ci illərdə V. Rocersin gəmisində Dampir şturman vəzifəsində dünya səyahətinə çıxır; Sakit okeanın cənublarının xəritəsini tərtib edir, Dünya okeanının müxtəlif məntəqələrində maqnit meylinin qiymətləri barədə məlumatlar toplayır, dəniz sularının duzluluğunu, hakim axınlar və küləklər arasındakı əlaqələri, Avstraliya, Yeni Qvineya və sairə adaların fauna və florasını öyrənir. Avstraliyanın şimal-qərbində ya, Sakit okeanın cənub qərbində və Malayya arxipelaqında bir neçə ada və körfəz Dampirin şərəfinə adlandırılmışdır.

Vilyam Eynthoven (21 may 1860[…], Semaranq – 29 sentyabr 1927[…], Leyden, Cənubi Hollandiya) - Niderland fizioloqu, elektrokardioqrafiyanın banisi. Nobel mükafatı laureatı (1924). Utrext Universitetini bitirmişdir (1885). 1886-cı ildә Leyden Universitetinin professoru olmuş vә ömrünün sonuna kimi bu vәzifәdә işlәmişdir. 1903-cü ildә ürәyin elektrik aktivliyini qeyd etmәk üçün cihaz quraşdırmış vә 1906-cı ildә ilk dәfә olaraq diaqnostik mәqsәdlә elektrokardioqrafiyadan istifadә etmişdir. Əsәrlәri, әsasәn, elektrofiziologiya üzrәdir. Neyro-elektrofiziologiya sahәsindә ilk tәdqiqat aparan alimlәrdәn olmuşdur. İmpuls aktivliyini aşkar etmiş vә simpatik sistemin sinir yollarında impuls aktivliyini qeydә almışdır. London Kral Cәmiyyәtinin әcnәbi üzvü seçilmişdir.

Vilyam Katbert Folkner (ing. William Cuthbert Faulkner; 25 sentyabr 1897[…] – 6 iyul 1962[…]) — amerikalı yazıçı, Ədəbiyyat üzrə Nobel mükafatı laureatı (1949). Amerika yazıçısı Uilyam Folkner Missisipi ştatının Nyu-Olbani şəhərində doğulmuşdu. O, nəsillərində ilk yazıçı deyildi. Cənubla Şimalın müharibəsi zamanı cənubluların ordusunda xidmət etmiş babası Uilyam Klark Folkner öz dövrü üçün kifayət qədər populyar olan "Memfisin ağ qızılgülü" romanının müəllifi idi. Qapalı və çəkingən xarakteri ilə seçilən Uilyam ilk təhsilini anasından almışdı. 13 yaşında isə o, artıq gənc rəfiqəsi Estell Oldhemə sevgi şeirləri yazırdı. Çox güman bu səbəbdən də məktəbi bitirə bilməmiş və babasına məxsus bankda işə başlamışdı. Amma şeirlərin bir təsiri olmamışdı. 1918-ci ildə Estell başqasına ərə getmişdi.

Vilyam Ford Gibson (ing. William Ford Gibson; 17 mart 1948[…]) — 1967-ci ildən Kanadada yaşayan və ikili vətəndaşlığı olan ABŞ-Kanadalı fantast yazıçı. 1980-ci illər ədəbiyyatının janr simasını müəyyənləşdirən kiberpank üslubunun banisi hesab olunur. Onun "Kiberməkan" ("Neyromant", «Qraf Nol», «Mona Liza Overdrayv») trilogiyası milyonlarla oxucunu cəlb etmişdir. Gibsonun bəzi əsərləri Bryus Sterlinq ilə birlikdə işlənib hazırlanmışdır. Müasir Amerika ədəbiyyatının ən yaxşı stilistlərindən biridir. "Hüqo" və "Nebula" mükafatların laureatı, Filip Kindred Dik Mükafatçısı (1985). 17 mart 1948-ci ildə Konuey şəhərində (Cənubi Karolina) anadan olub. 13 yaşında, anasından gizli olaraq, bit cərəyanı yazarların — Cek Keruak, Vilyam Berrouz və başqalarının bir sıra kitablarını satın almış, bu da onun ədəbiyyat və həyat haqqında fikirlərinə əhəmiyyətli dərəcədə təsir etmişdir. Bütün vaxtını otağında oxumasına sərf etsə də, basketbol təmayüllü məktəbdə təhsil alırdı.

Vilyam Gives (ing. William Gyves; d. iyul 1867, Mançester, İngiltərə – ö. məlum deyil) — ingilis futbolçu; onun müntəzəm mövqeyi qapıçı idi. "Mançester Yunayted" komandasında çıxış edib. Vilyam Gives 1867-ci il ilin iyul ayında İngiltərənin Mançester şəhərində anadan olmuşdur. 1890-cı ildə "Nyuton-Hit" (indiki "Mançester Yunayted") komandasında 1 oyunda meydana çıxmışdır.

Vilyam Hamilton (ing. William Hamilton; 1783, Kork – 25 may 1856, Plimut, Devon qraflığı) — İrlandiya botaniki. Hamilton, W. (1810). The Encheiridion medicum; or, Young Practitioner's Pocket Companion. Hamilton, W. (1825). Prodromus plantarum Indiae occidentalis. 67 p. Howard, R.A.; Clausen, K.S.; Gillis, W.T. William Hamilton (1783-1856) and the Prodromus Plantarum Indiae Occidentalis (1825) (англ.) // Journal of the Arnold Arboretum : journal. — 1981. — Vol.

Vilyam Henri Harrison (ing. William Henry Harrison, 9 fevral 1773[…] – 4 aprel 1841[…], Ağ Ev) — Amerika Birləşmiş Ştatlarının 9-cu prezidenti (4 mart-4 aprel 1841). Ən qısa müddətdə hakimiyyətdə olmuş ABŞ prezidenti (32 gün 12 saat 30 dəq.). 1841-ci il martın 4-də inauqurasiya çıxışı zamanı güclü yağış və küləyə baxmayaraq, ABŞ prezidentlərinin inauqurasiya çıxışları tarixində ən uzunmüddətli nitq söyləmiş (2 saat), nəticədə xəstələnərək pnevmaniya və plevrit diaqnozu ilə bir aylıq uğursuz müalicədən sonra vəfat etmişdir. Vilyam Harrison hakimiyyət başında vəfat edən ilk ABŞ prezidentidir. Məşhur Tekumse müharibəsinin gedişindəki Tippekano döyüşündə qazandığı uğurlar və 1812-ci il müharibəsindəki xidmətlərinə görə ABŞ-də yaxşı tanınırdı. 1836-cı il prezident seçkilərində Viqlər Partiyasının namizədi olmuş, lakin Martin Van Burenə məğlub olmuşdur. 23-cü ABŞ prezidenti Bencamin Harrisonun babasıdır. Baba və nəvənin müxtəlif dövrlərdə ABŞ prezidenti olması ABŞ prezidentliyi tarixində yeganə haldır. XVII əsrin əvvəllərindən Amerikada məskunlaşmış ingilis əsilli Harrisonlar ailəsindən çoxlu dövlət xadimləri, varlı quldarlar, böyük torpaq sahibləri çıxmışdır.

Vilyam Henry Hartnell (ing. William Henry Hartnell; 8 yanvar 1908, London — 23 aprel 1975, Marden) — İngilis aktyor. Ən çox 1963 və 1966 arasında "Doktor Kim" serialında Doktor rolunda birinci oynayan aktyor kimi tanınır.

Edvard Vilyam Leyn(ing. Edward William Lane; 17 sentyabr 1801[…] – 10 avqust 1876[…]) — Böyük Britaniya şərqşünası. == Həyatı == Edvard Vilyam Leyn 17 sentyabr 1801-ci ildə Herefordda doğulmuşdu. Orta təhsilini Bath və Herefordda tamamlayıb Cambridge Universitetinə girdiysə də daha sonra buradan ayrılaraq Londona yollandı və qravür rəssamlığı təhsili gördü; bir yandan da Ərəb dilini öyrəndi. Ərəb dilində qısa zamanda mütəxəssislik düzəyində irəliləmə qeyd etməsi şərqşünaslıq araşdırmalarına maraq duymasına yol açdı. 1825-ci ildə Misirə getdi və üç dönəm halında toplam on iki ilə qədər orda qaldı. Edvard Vilyam Leyn 10 avqust 1876-cı ildə vəfat edib.

Hovard Endrü "Endi" Vilyams (ing. Howard Andrew "Andy" Williams; 3 dekabr 1927[…], Voll-Leyk[d], Ayova – 25 sentyabr 2012[…], Brenson[d], Missuri) — əfsanəvi ABŞ pop müğənnisi və aktyoru. 18 Qızıl və 3 Platin albom yazdırmışdır. 1962–1971-ci illərdə öz televiziya şousunda aparıcı olmuşdur. Son illərində ABŞ-nin Missuri ştatının Brenson şəhərindəki "Moon River Theatre" adlı şəxsi teatrında çıxış edirdi. Karyerasına "Vilyams qardaşları" kvartetinin heyətində başlamışdır. Bu kvartet 1944-cü ildə Binq Krosbinin ən məşhur mahnılarından olan "Swinging on a Star" mahnısının yazılmasında iştirak etmişdir. 1952-ci ildən solo çıxış edir. 1956-cı ildə "Canadian Sunset" adlı mahnısı ilə ilk dəfə Billboard Hot 100-ün ilk onluğuna düşə bilmiş, növbəti il isə Elvis Preslinin stilinə bənzər tərzdə oxuduğu "Butterfly" mahnısı ilə birinci yerə qalxmışdır. == Erkən həyat == Williams, Iowa ştatının Wall Lake şəhərində , sığorta və poçtda işləyən Florensiya (doğma Finley) və Jay Emerson Williamsda anadan olmuşdur.

Ester Vilyams' (ing. Esther Williams, 8 avqust 1921–6 iyun 2013) – amerikalı aktrisa və ssenaristdir. 1940 və 1950-ci illərdə "su müzikl"in ulduzu olmuş və "Amerikanın su pərisi" və "Hollivudun su pərisi" ləqəblərini almışdır. == Erkən illəri == Ester Ceyn Vilyams 1921-ci il 8 avqust tarixində İnqlvudda (Kaliforniya, ABŞ) yəhudi ailəsində anadan olmuşdur. O, ev sahibəsi Mirtl Cillinin və rəssam Luis Vilyamsın kiçik qızı olmuşdur. Onun iki böyük qardaşı olmuşdur. O, anadan olmamışdan bir neçə əvvəl ailəsi Solt Leyk Sitiyə köçmüşdür. Onun böyük qardaşı Stenton burada aktyorluq karyerasına başlamış, lakin 1929-cu ildə 16 yaşında qəflətən dünyasını dəyişmişdir. Yenimətlik illərində Ester üzgüçülüklə məşğul olmuş, paralel olaraq Glendale High School məktəbini bitirmişdir. 1939-cu ildə Sietl, Vaşinqton və Mayamidə keçirilmiş sərbəst stildə və brass üsulu ilə 100 metrlik məsafəli yarışların qalibi olmuşdur.

Everet Vilyamsa qarşı — 1725-ci ildə baxılmış ingilis məhkəmə işi. "Quldurların məhkəmə işi" də adlanır. Məhkəmə işi cinayət törədilməsini nəzərdə tutan müqavilələrin hüquqi qüvvəsi ilə əlaqədardır. Bu işdə müqavilə silahlı hücum nəticəsində əldə edilmiş qənimətin bölüşdürülməsi ilə bağlı idi. Məhkəmə iddiadan imtina etmişdir. Məhkəmə işi haqqında ətraflı məlumatlar müasir dövrə gəlib çatmamışdır və işə edilən əksər istinadlar 1893-cü ildə nəşr edilmiş Rüblük Hüquq Jurnalındakı işin xülasəsinə əsaslanır, hansı ki həmin xülasə də öz növbəsində Rober Cozef Potye tərəfindən 1802-ci ildə yazılmış öhdəlik hüququ haqqında fransız dilindəki mətnin ingilis dilinə edilmiş tərcüməsinə əsaslanır. == Haqqında == İki quldur - Everet və Vilyams birgə oğurluq nəticəsində əldə etdikləri qənimətləri bölüşdürmək haqqında razılığa gəlirlər. Onlar bir müddət Haunslou Hitdə, eyni zamanda Pegşot, Solsberi, Hampsteddə və başqa yerlərdə bu fəaliyyətlə məşğul olurlar. Bir gün qənimətlər satılanda Con Everet Cozef Vilyamsın mənfəətin bölüşdürülməsi nəticəsində ona düşən ədalətli paydan daha çox götürməyə çalışdığını düşünür. Bəzi naməlum səbəblərə görə, Everet şikayətini məhkəmə qaydasında həll etmək qərarına gəlir.

Frederik Vilyam Anderson (ing. Frederick William Anderson; 22 iyun 1866 – 22 dekabr 1891, Nyu-York, Nyu-York ştatı) — Böyük Britaniya mikoloqu, alqoloqu, botaniki. == Elmi fəaliyyəti == Frederik Vilyam Anderson mikologiya və alqologiya üzrə ixtisaslaşmışdır. == Əsərləri == Ellis, J.B.; Anderson, F.W. New species of Montana fungi (неопр.) // Botanical Gazette Crawfordsville. — 1891. — Т. 16, № 2. — С. 45—49. Ellis, J.B.; Everhart, B.M. The North American Pyrenomycetes. A contribution to mycologic botany / With original illustrations by F.W. Anderson. — Newfield, N.J., 1892.

Frenk Vilyam Ebiqneyl Cunior (27 aprel 1948) — əvvəllər amerikalı fırıldaqçı və dələduz olmuşdur, saxta çeklər düzəltməkdə və saxta kimliklər altında müxtəlif yerlərdə çalışmışdır. Hal-hazırda isə o təhlükəsizlik üzrə məsləhətçi mütəxəsisdir. Frenk dünyanın ən fırıldaqçılarından biri hesab olunur, belə ki, o saxta kimliklə həkim, pilot, hüquqsünas kimi sahələr daxil olmaqla səkkiz müxtəlif sahədə heç bir anlayışı olmadan çalışmışdır. Bunların hamısını o 21 yaşına çatmamış etmişdir və həmçinin bu zaman ərzində o iki dəfə polisdən də qaçmağa nail olmuşdur. Həbs ediləndən sonra isə heç beş il tamam olmamış polisə işləməyə başlamışdır. Onu həyatı haqqında "Bacarırsansa məni tut" filmi çəkilmişdir. Filmdə Leonardo DiKaprio onu canlandırıb. == Həyatı == Frenk Vilyam Ebiqneyl Cunior 27 aprel 1948-ci ildə dünyaya gəlib. Ailənin dörd uşağından biri idi və həyatının ilk 16 ilini Nyu Yorkda, Bronksvildə keçirib. 12 yaşı olarkən atası ilə anası ayrılıblar.

Hovard Endrü "Endi" Vilyams (ing. Howard Andrew "Andy" Williams; 3 dekabr 1927[…], Voll-Leyk[d], Ayova – 25 sentyabr 2012[…], Brenson[d], Missuri) — əfsanəvi ABŞ pop müğənnisi və aktyoru. 18 Qızıl və 3 Platin albom yazdırmışdır. 1962–1971-ci illərdə öz televiziya şousunda aparıcı olmuşdur. Son illərində ABŞ-nin Missuri ştatının Brenson şəhərindəki "Moon River Theatre" adlı şəxsi teatrında çıxış edirdi. Karyerasına "Vilyams qardaşları" kvartetinin heyətində başlamışdır. Bu kvartet 1944-cü ildə Binq Krosbinin ən məşhur mahnılarından olan "Swinging on a Star" mahnısının yazılmasında iştirak etmişdir. 1952-ci ildən solo çıxış edir. 1956-cı ildə "Canadian Sunset" adlı mahnısı ilə ilk dəfə Billboard Hot 100-ün ilk onluğuna düşə bilmiş, növbəti il isə Elvis Preslinin stilinə bənzər tərzdə oxuduğu "Butterfly" mahnısı ilə birinci yerə qalxmışdır. == Erkən həyat == Williams, Iowa ştatının Wall Lake şəhərində , sığorta və poçtda işləyən Florensiya (doğma Finley) və Jay Emerson Williamsda anadan olmuşdur.

Kieron Uilyamson (ing. Kieron Williamson) Gənc rəssam. Dahi rəssamlıq qabiliyyəti sayəsində, “balaca Mone” adlandırılır və Ginnesin Rekordlar Kitabına düşüb. 2009-cu ildə gənc rəssamın əsərlərindən ibarət ilk sərgi təşkil edilib və cəmi 25 dəqiqə ərzində 23 şəkil satılıb. Son beş ildə tablolarının satışından 2,3 milyon dollar qazanıb. == Bioqrafiya == 2002-ci il İngiltərədə, şərqi Norfolk qraflığında anadan olub. Kieron beş yaşında ailəsi ilə birgə cənub-qərbi İngiltərəyə səyahət edib, Kornuoll qraflığına baş çəkib və artıq bir ildən sonra o, dahi rəssamlıq qabiliyyəti sayəsində Ginnesin Rekordlar Kitabına düşüb. 2009-cu ildə gənc impressionistin əsərlərindən ibarət ilk sərgi təşkil edilib və cəmi 25 dəqiqə ərzində 23 şəkil satılıb. Dolayısıyla, Kieron ilk 35 min dollarını qazanıb. Bir ildən sonra artıq 33 işin satıldığı ikinci sərgi baş tutub.

Oliver Uilyamson (ing. Oliver E. Williamson; 27 sentyabr 1932[…] – 21 may 2020, Berkli, Kaliforniya) — amerikalı iqtisadçı. 2009-cu ildə Elinor Ostromla birlikdə İqtisadiyyat üzrə Nobel mükafatına layiq görülmüşdür. Oliver Uilyamson 27 sentyabr 1932-ci ildə ABŞ-nin Viskonsin ştatında anadan olmuşdur. Universitet təhsilini 1955-ci ildə Massaçusets Texnologiya İnstitutunda Menecment üzrə almışdır. Bazarda və bazar xaricində qərar verməyə, idarə etməyə və xidmət göstərməyə diqqət çəkən Oliver Uilyamson 1980-1990-cı illərdə özəl sektor və ictimai sektorlar arasındakı sərhədlə bağlı araşdırmaçılar arasındakı mübahisələrə çox dəyərli nəzəri töhfələr vermişdir. Oliver Uilyamson bir qərar qəbul etmək üçün informasiya toqquşma təsirləri terminini ilk istifadə edən tədqiqatçı olaraq qəbul edilir. Bu termin ilə Oliver Uilyamson bir qərar qəbul edərkən istənilən və istifadə edilən informasiyanın maliyyə xərclərinin əvvəlcədən müəyyən edilməsinin çətin olduğu halları və bunların vacibliyini açıqlamışdır. Williamson O.E., Markets and Hierarchies : Analysis and Antitrust Implications, Free Press, 1975 Williamson O.E., The Economic Institutions of Capitalism, Free Press, 1985 Williamson O.E., "Managerial Discretion and Business Behaviour", American Economic Review, 1963 Williamson O.E., "Hierarchical Control and Optimum Firm Size", Journal of Political Economy, № 75, Cild. 2, 1967 Williamson O.E., "The Modern Corporation : Origins, Evolution, Attributes", Journal of Economic Literature, Cild.

Qordon Vilyam Biton (ing. Gordon William Beaton; 14 iyun 1911 – 2 aprel 1988) — Avstraliya mikiloqu və botaniki. Beaton, G.; Weste, G. (1977). The genus Labyrinthomyces. Transactions of the British Mycological Society 69 (2): 243-247. Beaton, G.; Weste, G. (1984). Victorian hypogean gasteromycetes: Mesophelliaceae. Transactions of the British Mycological Society 82 (4): 665-671. Beaton, G.; Pegler, D.N.; Young, T.W.K. (1984). Gasteroid Basidiomycota of Victoria state, Australia.

Robert Peter "Robbie" Vilyams (13 fevral 1974; Stok-on-Trent) — eyni zamanda pop qrupu Take That-in bir üzvü olan İngilis solo müğənni və söz yazıçısıdir. 1990'ların ilk illərində bir hissəsi olduğu Take That qrupu ilə eyni vaxtda tanınmağa başladı. Daha sonra yaşanan müxtəlif anlaşılmazlıqlar 1995'də qrupdan ayrılaraq solo karierinə başlamasına səbəb oldu. Qrupdan ayrıldıqdan sonrakı dövrdə həyat forması səbəbindən içki və narkotik asılılığı ilə mübarizə etdiyi çətin zamanlar keçirdi. Mətbuatda iştirak edən xəbərlər karierinin bitdiyini söyləyirdi və 1997-ci ildə Life Thru a Lens adıyla çıxardığı ilk albomu, içki və narkotik ilə döyüşünə davam etdiyi bu dövrdə reabilitasiya mərkəzindən icazə alıb albomun ikinci single'ı "Lazy Days"in klipinde iştirak etməsinə baxmayaraq, İngiltərə xaricində heç bir qeydə dəyər müvəffəqiyyət göstərə bilmədi. İngiltərədə də promosyon rəflərinə düşməsi uzun sürmədi. Albomdan çıxan 3 single ilə də qeydə dəyər bir müvəffəqiyyət qazanmadığından val şirkətinin onun gələcəyi haqqında endişeleriyle qarşılaşdı. Daha sonra, Birləşmiş Krallıq siyahılarında ən çox satış edən single olacağından xəbəri olmadığı bir parçanı, Angels'ı 4. single olaraq bazara sürdü. 2005 ilində Brit Mükafatları'nde, xalq səsverməsi nəticəsində son 25 ilin ən yaxşı mahnısı seçiləcək olan bu mahnı musiqi bazarındakı pillələri sürətlə dırmaşmağa başlamasını təmin etdi.

Robin Vilyams (ing. Robin Williams; 21 iyul 1951[…], Çikaqo, İllinoys – 11 avqust 2014[…]) — ABŞ aktyoru. Bir "Oskar", iki "Emmi", beş "Qremmi" və altı "Qızıl Qlobus" mükafatı laureatı. Robin Vilyams 21 iyul 1951-ci ildə İllinois ştatının Çikaqo şəhərində doğulub. Onun atası Robert Fitscerald Vilyams (1906–1987) Ford şirkətinin Linkoln-Merkuri şöbəsində yüksək səviyyəli rəhbər vəzifəsində çalışmış, anası Lauri (1922–2001) isə Missisipi ştatının Cekson şəhərindən olan keçmiş model idi. Onun anasının ulu babası Anselm J. McLaurin tanınmış Missisipi senatoru və qubernatoru idi. Robin Vilyamsın iki böyük ögey qardaşı var idi. Biri Robert idi və ona da Todd deyirdilər. Digəri isə Maklorin idi. Vilyams 2001-ci ildə "Inside the Actors Studio"-da televiziya müsahibəsi zamanı yumor hissinin formalaşmasında anasının böyük rol oynadığını söylədi.

Rodni Erray Lourens Vilyams (ing. Sir Rodney Errey Lawrence Williams; 2 noyabr 1947, Svites[d], Sent Pol səmti[d]) — Antiqua və Barbudanın 4-cü general-qubernatoru. Rodni Sent Pol bölgəsinə təyin edilmiş Antiqua İşçi Partiyasının sabiq üzvü Ernest Emmanüel Vilyams və məktəb müəllimi olan İrina Vilyamsın oğludur. Vilyams Sent Consda yerləşən "Antigua Grammar School"-da orta təhsilini aldı. Sonra elə həmin məktəbdə bir il müəllim kimi dərs verdi. Daha sonra Monadakı "West Indian University" şəhərciyində tibb təhsili aldı. İxtisasca həkimdir. Tibb və Cərrahiyyə ixtisasını 1976-cı ildə Qərb Hindlər Universitetində almışdır. 1978-ci ildən Barbadosdakı Kraliça Elizabet Xəstəxanasında təcrübə keçdikdən sonra Antiqua və Barbudada tibb təcrübəsini davam etdirmişdir. Rodni 1984-cü ildə siyasətə atasının da təmsil etdiyi Sent Pol bölgəsindən parlament üzvü olaraq başlamışdır.

"Say Yes" ABŞ müğənnisi Mişel Vilyamsın keçmiş "Destiny's Child" qrupunun üzvləri Beyonse və Kelli Roulandla birgə ifa etdiyi mahnıdır. Mahnıda xor tərəfindən ifa olunan "when Jesus say yes, nobody can say no" sözləri məşhur Nigeriya ilahisindən götürülmüşdür. 2005-ci ildə "Destiny's Child" qrupunun dağılmasından sonra "Say Yes" mahnısı hər üç qrup üzvünü bir gə iştirakı ilə ifa edilmiş və ekranlaşdırılmış ilk musiqi əsəridir. "Say Yes" mahnısının klipi rəsmən 18 iyun 2014-cü ildə təqdim edilmişdir. Orijinalda "When Jesus Says Yes" adlanan Nigeriya mahnısı əsasında yazılmış "Say Yes" mahnısının prodüseri Harmoni Samuelsdir. Vilyams mahnının demo versiyasını keçmiş qrup üzvləri Beyonse Noulz və Kelli Roulanda göndərir və sonradan onlar mahnıda qonaq ifaçı kimi iştiraka razılaşırlar. "Rap-up Magazine" jurnalına verdiyi müsahibədə Beyonse mahnıda qonaq ifaçı kimi qərar verməsindən danışır və deyir: "Bu mahnı o qədər ilhamlandırıcıdır ki…bu cür mahnılar çox azdır və mən bu mahnının bir hissəsi olmaqdan fəxr edirəm." "Say Yes" BK hit paradlarında 106-cı yerdə debüt etmişdir. Çıxışının ilk həftəsində Fransada mahnı 151-ci yerdə debüt etmişdir. "Say Yes" Vilyamsın Fransa hit paradına daxil olan ilk solo sinqlıdır. ABŞ-də "Billboard Gospel Songs" hit-paradında mahnı beşinci yerdə, "Gospel Digital Songs chart" hit-paradında isə birinci yerdə debüt etmişdir.

Serena Vilyams (ing. Serena Jameka Williams, d. 1981, ABŞ) — ABŞ tennisçisi. Serena Vilyams Sidney, Pekin və London olimpiadalarında tennisçilərin qoşa yarışlarında fəxri kürsünün ən yüksək pilləsinə qalxan idmançı 2012-ci il yay Olimpiya oyunlarının fərdi turnirində də çempion oldu. Həm qoşa, həm də fərdi yarışlarda "Uimbldon" və "Böyük dəbilqə"nin ABŞ mərhələsində qalib gələn reytinq üçüncüsü oldu. Tofiq Vəziroğlu, "Onun adı Viktoriya", "New Baku Post" qəzeti, №49(49), 08.12.2012. səh.14.

Sion Uilyamson — (7 iyul 2000-ci il təvəllüdlü) Atlantic Coast Konfransı (ACC) Duke Blue Devils üçün Amerikan kollec basketbolçusudur. 6 ft 7 (2.01 m) və 285 pound (129 kq) siyahıda, kiçik irəli və güc irəli mövqelərini oynayır. 2019 NBA layihəsi üçün ən yaxşı perspektivlərdən biridir. Uilyamson, Spartanburg, Cənubi Karolina əyalətində Spartanburg Günü Məktəbində iştirak etdi və burada beşulduzlu bir işçi oldu və sinifdəki ən yaxşı oyunçular arasında yer aldı. Lisey karyerası əsnasında qrupuna 3 dövlət titulu qazandırdı. Uilyamson bir McDonald's All-Amerika və Cənubi Karolina idi. Basketbol, 2018-ci ildə Seniyor olaraq vəzifə yerinə yetirmişdir. O, slam dunking qalibiyyətindən sonra tanınmağa başladı. Uilyamson 7 iyul 2000-ci ildə Şimali Amerikanın Salisbury şəhərində Lateef Uilyamson və Sharonda Sampsonun ailəsində dünyaya gəlib. O, Yerusəlimdəki Sion dağından adını almışdır.

Ris Uilyams (3 fevral 2001, Preston) — İngiltərə Premyer Liqasında çıxış edən Liverpulun futbolçusu.

Uilyam Hovard Stayn (ing. William Howard Stein; 25 iyun 1911[…], Nyu-York, Nyu-York ştatı – 2 fevral 1980[…], Nyu-York, Nyu-York ştatı) – Amerika biokimyaçısı. ABŞ Milli Elmlər Akademiyasının (1960il) və Amerika İncəsənət və Elmlər Akademiyasının üzvü. Harvard Universitetini (1933il) bitirmiş və Kolumbiya Universitetinin Tibb və Cərrahlar Kollecində (1938il) PhD dərəcəsi almışdır. 1938-ci ildən Rokfeller Universitetində (Nyu-York) işləyir, 1955-ci ildən isə biokimya professorudur. 1968–1971-ci illərdə Biological Chemistry jurnalının redaktoru olub. Uilyam Hovard Staynın əsas işləri zülalların və fermentlərin analitik kimyası üzrə olmuşdur. O, ilk dəfə olaraq (başqaları ilə birlikdə) ribonukleaza fermentinin ilkin strukturunu təyin edərək, ion mübadilə xromatoqrafiyası əsasında amin turşularının kəmiyyət üsulunu işləyib hazırlamış, fermentlərin aktiv mərkəzlərinin strukturunu tədqiq etmişdir. Kimya üzrə Nobel mükafatını 1972-ci ildə Stanford Mur və Kristian Anfinsen ilə birgə "Ribonukleaza molekulunun aktiv mərkəzinin katalitik təsiri və kimyəvi strukturu arasındakı əlaqənin aydınlaşmasındakı xidmətlərinə görə" almışdır.

Uilyam Lorens Breqq (ing. William Lawrence Bragg; 31 mart 1890[…], Adelaida – 1 iyul 1971[…], İpsuiç) — Avstraliya doğumlu ingilis fiziki; fizika üzrə Nobel mükafatı laureatı (1915) sahibi, Braqq qanunu- rentgen şüalarının difraksiyasının kəşfçisi. Lorens Breqq 1915-ci ildə "Kristal strukturun təhlilində göstərdikləri xidmətə görə" Fizika üzrə Nobel Mükafatına (atası Uilyam Henri Breqq ilə) layiq görülmüşdür. O, 2014-cü ilə qədər bu mükafata layiq görülmüş ən gənc şəxs idi. Uilyam Lorens Breqq Avstraliyanın cənubunda, Adelaida şəhərində dünyaya gəlmişdir. Breqq uşaq yaşlarından elmə və fizikaya maraq göstərməyə başlamışdı. Atası, Henri Breqq Adelaida Universitetində fizika və riyaziyyat professoru kimi fəaliyyət göstərirdi. Breqq məktəbə başladıqdan qısa bir müddət sonra velosipedindən yıxılaraq qolunu qırır. Atasının Rentgenin Avropada apardığı təcrübələr haqqında oxuduğu elmi yazı var idi və öz avadanlıqları ilə oğlunun sınıq qolunu yoxlamaq qərarına gəldi. Beləcə Avstraliyada ilk dəfə rentgen cərrahi bir məqsəd üçün istifadə edildi.

Niko Uilyams (isp. Nicholas "Nico" Williams Arthuer; 12 iyul 2002) — İspan futbolçu, "Atletik Bilbao" klubunun və İspaniya millisinin futbolçusu. 2024-cü il Avropa çempionu.