alsın sözü azərbaycan dilində

alsın sözünün etimologiyası

• 1 1. Payızda bitən otu alsın (alısın) adlandırırıq. Sözün kökü olan al “hiylə”, “yalan” anlamlarını verir (aldatmaq sözü də buradandır). –sın şəkilçisi meyil mə­nalı sözlər düzəldir və -sa, -sə, -sun, -sın və s. formalarda işlədilir: susa(maq), – “su­ya meyl etmək”, “su istəmək” deməkdir. Gülümsün-“gülməyə meyl etmək”, “azca gülmək” deməkdir. Alsın – “hiyləyə, yalana meyil” deməkdir. Payızda bitən ot çox inkişaf etmir, tez məhv olur, yəni yalançı otdur, “yalana meyli olan ot” de­məkdir. İkinci mülahizə də söyləmək olar: söz alçaq (aşağı) kəlməsi ilə kök­daşdır. Alçaq sözü alsın formasına düşüb, “çox hündürə qalxa bilməyən (alçaq) ot” mənasını verir. 2. “Payız otu” deməkdir. Ordubadda bunun yerinə, güzdək işlə­dilir. Bir sıra dialekt­lərdə güz – “quzu ağılı” (Salyan), “şumlanmış yer” (Sabir­abad) mə­nasını əks et­dirir. Biləsuvarda güzdək sözü “payız yurdu” mənasında işlədilir. (əsli: güzləkdir, müq. et: yaylaq). Görünür, al sözünün “payız” mənası da mövcud olub. 

  Azərbaycan dilinin etimologiya lüğəti / alsın