anlamaq sözünün azərbaycan dilində istifadasi, mənası, izahı, yazılışı, tərcüməsi / Sözlük

Anlamaq istəyirəm (film, 1980)

Anlamaq istəyirəm filmi rejissor Oqtay Mirqasımov tərəfindən 1980-ci ildə ekranlaşdırılmışdır. Film Mərkəzi Televiziyanın (Moskva) sifarişi ilə "Azərbaycanfilm" kinostudiyasında istehsal edilmişdir. Film məhv olmuş arzular, xoşbəxtlik uğrunda mübarizə aparılmasının acı nəticəsi, iki sevən gəncin uğursuz məhəbbəti haqqında niskilli hekayədir. Aktrisa Həmidə Ömərovaya Çinarə roluna görə Lenin komsomolu mükafatı verilmişdir. Filmdə əsas rolları Revaz Çxikvişvili, Həmidə Ömərova, Mikayıl Kərimov, Mayya İsgəndərova, Həsən Məmmədov və Həsənağa Turabov ifa edirlər. Film AZTV- də dublyaj olunmuşdur. == Məzmun == İki nəfər — Çinarə (Həmidə Ömərova) və Rüstəm (Revaz Çxikvişvili) tələsmədən sahil bağında addımlayır, nə barədə isə söhbət edirlər. Vaxt var idi ki, onlar bir-birilərini sevir, bir arzu ilə yaşayırdılar: xoşbəxt olmaq! Lakin Çinarə başqasına ərə gedir, sonra başa düşür ki, xoşbəxtlik üçün nə içi xarici mebellə dolu mənzil, nə gələcəyi parlaq olan ər, nə də qayğısız həyat lazım deyilmiş. Xoşbəxtlik üçün yalnız o özü, sevgilisi Rüstəm, bu coşub daşan, bəzən də mürgüləyən dəniz, dənizin üzərində uçuşan, hərdən ləpələrə baş vuran qağayılar, dəniz kənarında topla oynayan körpə gülüşləri, bir də sevgilinin şirin, ürək açan sözləri gərəkmiş: "Sən mənim səadətim, sən mənim qəlbim, sən mənim səmam...

Bethoveni anlamaq (film, 2006)

"Bethoveni anlamaq" (ing. Copying Beethoven) — 2006-cı il istehsalı, Lüdviq van Bethovenin həyatından bəhs edən bir film. == Məzmun == Bethoven fırtınalarla keçən həyatının yetkinlik dövründədir. Qulaqlarının eşitmə qabiliyyətini getdikcə itirməsinə baxmayaraq 9-cu simfoniya üzərində çalışmaqdadır. Bu arada notların təmizlənməsi və təkmilləşməsi üçün öz istəyi ilə köməkçi ayırır. Beləliklə, onun köməkçisi Anna Holtz adında qadın olur. Lakin, Bethoven başlanğıcda köməkçisinin qadın olmasından çox da xoşlanmır. Bir müddətdən sonra Anna Bethovenin sağ əlinə çevrilir, lakin, bu vaxt ərzində sevgilisi və öz həyatı ilə vidalaşmalı olur. Film bəstəkarın ölüm döşəyinə düşməsiylə bitir.

Tezlik illər üzrə

Sözün tezliyi - sözün mətnlərdə hansı tezliklə rast gəlinmə göstəricisidir. Bu rəgəm 1 000 000 söz arasında sözün neçə dəfə meydana gəlməsini göstərir.

Ümumi • 5.37 dəfə / 1 mln.

2002	•••••••••••••••••	10.28
2003	••••••••	4.72
2004	••••••	3.71
2005	••••	2.02
2006	••••	2.03
2007	••••••••	4.44
2008	•••••••	3.90
2009	•••••••	4.00
2010	•••••••••	5.36
2011	•••••	2.49
2012	•••••••••	5.33
2013	•••••••••••	6.71
2014	••••••••••••••••••••	12.36
2015	•••••••••••••••	9.02
2016	••••••••	4.51
2017	••••••••••	5.85
2018	•••••••••	5.24
2019	••••••••••	5.70
2020	•••••••••••	6.37

anlamaq sözünün leksik mənası və izahı

1 f. 1. Başa düşmək, qanmaq, düşünmək, dərk etmək. Sözün mənasını anlamaq. Bu söhbətdən heç bir şey anlamadım. – Çox nüktə var, sən anlamasan, anlar aşiqin! M.Ə.Sabir. Sadədil muzdur indi anladı ki, uzunboylu, qarabığlı müsafir xozeyin deyilmiş, oğru imiş. S.M.Qənizadə. 2. Duymaq, sezmək, hiss etmək, başa düşmək. Onlar bir-birini yaxşı anlayırlar. Ürəyindən keçəni dərhal anladım. – Qız artıq onu [Firidunu] özünə yaxın bir dost hesab edirdi. Bunu o, onun səmimi rəftarından anlayırdı. M.İbrahimov. 3. Bir şey haqqında müəyyən fikri, baxışı olmaq. Bunu mən başqa cür anlayıram. Sizcə, bunu necə anlamaq lazımdır? Mənim anladığıma görə.
Azərbaycan dilinin izahlı lüğəti / anlamaq

anlamaq sözünün etimologiyası

1 Mənbələrdə anla sözü (понимать), ana feili (разуметь), anlaq ismi (разумный) mövcuddur. Deməli, sözün kökü an olub, -a şəkilçisi onu feilə (an-a) çevirib. An ərəb dilindən keçmiş ağıl sözünün yerinə işlədilib və sonra kəlmə söz doğma sözü xeyli sıxışdıra bilib. Bəzən an sözünün feil hesab edirlər. Belə olsa idi, həmin söz –la şəkiçisini qəbul edə bilməzdi (feil bu şəkilçini qəbul etmir). Anmaq feili isə ayrı, müstəqil sözdür, yuxarıdakının omonimidir.
Azərbaycan dilinin etimologiya lüğəti / anlamaq

anlamaq sözünün sinonimləri (yaxın mənalı sözlər)

1 qanmaq — düşünmək — bilmək
Azərbaycan dilinin sinonimlər lüğəti / anlamaq
2 ANLAMAQ, QANMAQ, BAŞA DÜŞMƏK [Talıbxanı] Vəli, sən hərəkətsiz daş üstündə oturub muşqurursan, ancaq qan, başa düş, anla ki, yerimək lazımdır (S.Rəhimov); BAŞ AÇMAQ Vəli yenə hadisələrdən baş açmırdı (Mir Cəlal); BAŞ ÇIXARMAQ Məhərrəm: Məgər sənin işindən mən baş çıxardıram? (N.Vəzirov); BAŞ TAPMAQ Süsən: Hə, bağışlayınız, baş tapmadım (M.S.Ordubadi); DƏRK ETMƏK Zeynal Şərifənin nələr dediyinə və nə istədiyini eşidib dərk edə bilməyirdi (M.Hüseyn); DÜŞÜNMƏK Şirzad düşündü ki, Yarməmmədi bu qədər eybəcər edən qorxudur (M.İbrahimov); QAVRAMAQ Mişa: Cavan oğlansan, zehnin itidi, tez qavrayırsan (H.Abbaszadə).
Azərbaycan dilinin sinonimlər lüğəti / anlamaq

anlamaq sözünün rus dilinə tərcüməsi

1 понимать, соображать, смыслить, разуметь
Azərbaycanca-rusca lüğət / anlamaq
2 глаг. kimi, nəyi 1. понимать, понять. Heç cür anlaya bilmirəm ki, … никак не могу понять, что …; mən anladım ki, … я понял, что …; bir şey anladınmı? что-нибудь понял?, bir-birini anlamaq понимать друг друга, sualı anlamaq понять вопрос 2. постигать, постичь кого-л., что-л.
Azərbaycanca-rusca lüğət / anlamaq

anlamaq sözünün inglis dilinə tərcüməsi

1 f. to understand* (d.), to comprehend (d.), to realize (d.); tez ~ to grasp quickly (d.); gec ~ to be* slow to grasp (d.); musiqini ~ to understand* music; Anlayıram I see; Mən sizi anlayıram I see your point
Azərbaycanca-ingiliscə lüğət / anlamaq

anlamaq sözünün fransız dilinə tərcüməsi

1 f. comprendre vt ; pénétrer vt ; saisir vt ; concevoir vt ; entendre vt
Azərbaycanca-fransızca lüğət / anlamaq

anlamaq sözünün ləzgi dilinə tərcüməsi

1 гл. 1. гъавурда акьун (гьатун), кьиле гьатун, кьатӀун, фагьумун; 2. гьисс авун, кьатӀун.
Azərbaycanca-ləzgicə lüğəti / anlamaq

anlamaq sözünün türk dilinə tərcüməsi

1 anlamak
Azərbaycanca-türkcə lüğət / anlamaq

anlamaq sözü azərbaycan dilində

Yazılış

Mündəricat