Məhkəmə baxışı
Məhkəmə nəzarəti — icraedici və qanunverici hakimiyyətlərin fəaliyyətinin məhkəmə tərəfindən yoxlanılması prosesidir. Məhkəmə nəzarəti səlahiyyəti olan məhkəmə daha yüksək hüquqi qüvvəsi olan hüquq normaları ilə ziddiyyət təşkil edən qanunları və hökumət qərarlarını ləğv edə bilər. Bu zaman icraedicilik hakimiyyətinin qərarları qanunsuz olduğuna görə, qanunlar isə konstitusiyanın normalarını pozduğuna görə qüvvədən düşmüş hesab edilə bilər. Məhkəmə nəzarəti hakimiyyətlərin bölünməsi prinsipindəki yoxlama və balanslardan biridir: qanunverici və icraedici orqanlar öz səlahiyyətini aşdıqda məhkəmə onların üzərində nəzarəti həyata keçirir. Doktrina yurisdiksiyalar üzrə fərqlənir. Odur ki, məhkəmə nəzarəti prosesi və onun əhatə dairəsi ölkədən ölkəyə fərqlənə bilər.
Məhkəmə nəzarəti iki fərqli, lakin paralel hüquq sistemləri kontekstində — roman-german hüquq sistemi və ümumi hüquq sistemində, həmçinin iki fərqli demokratiya nəzəriyyəsində araşdırıla bilər. Hansı ki bu nəzəriyyələr qanunverici hakimiyyətin aliliyi və hakimiyyətlərin bölgüsü doktrinaları və hökumətlərin təşkil edilməsi prinsipləri ilə bağlıdır.
Birincisi, roman-german və ümumi hüquq sistemində məhkəmə nəzarəti ilə bağlı müxtəlif baxışlar mövcuddur. Ümumi hüquq sistemində hakimlər hüququn mənbəyi kimi qəbul edilirlər.
Baxışına vuruldum (film, 2002)
Baxışına vuruldum (Rom: Akhiyon Se Goli Maare) — Qovinda, Raveena Tandon, Kader Xan, Şakti Kapur, Asrani və Conni Leverin rol aldığı 2002-ci ildə Harmesh Malhotranın rejissorluğu ilə çəkilmiş hindi dilli komediya filmidir. Film 2 avqust 2002-ci ildə nümayiş olunmuşdur. Filmin adı 1998-ci ildə çəkilmiş Dulhe Raja filminin eyni adlı mahnısından götürülmüşdür.
== Süjet xətti ==
Akelinder və ya Bhangari Dadanın Çor bazarında qanunsuz işlətdiyi dükanı mövcuddur və o, həyat yoldaşı və yeganə qızı Kiranla bərabər yaşayır. Bhangari qızını qanqsterə ərə vermək istəyir, ona görə də belə bir bəy axtarışına başlayır. O, Şakti Dadanı tapır və onun Kiranla evlənməsini istəyir, lakin Kiran artıq cinayətlə heç bir əlaqəsi olmayan varlı iş adamı olan Racı sevir. Lakin atasını razı salmaq üçün o, Racı hələlik qanqster kimi görünməyə razı salır. Bunun üçün onlar Subramaniam adlı məşqçi axtarıb tapırlar və o, Raca qanqster kimi fəaliyyət göstərməyi öyrədir. Nəhayət, Rac özünü qanqster kimi göstərməyə müvəffəq olur, lakin Bhangarinin atasının qəfildən meydana çıxması ilə işlər dəyişir və o Kiranın qanqsterlə evlənməsini istəmir. Rac öz imicini təmizləyə biləcəkmi?
